ਫਿਕਰਾਂ ਦੀ ਦਲਦਲ ਵਿੱਚ ਬਾਬਾ
ਕਦ ਉੱਗਣਾ ਸੋਹਣੇ ਕਮਲਾਂ ਨੇ,
ਕਦ ਮੁੱਕਣੇ ਫੋਕੇ ਜ਼ਿਕਰ ਏ ਮੇਰੇ
ਕਦ ਜੰਮਣਾਂ ਮੇਰਿਆਂ ਅਮਲਾਂ ਨੇ
ਕਦ ਏ ਕਹਿਣੀ ਹੋਊਗੀ ਕਰਨੀ
ਕਦ ਕਰਨੀ ਖਾਲਸ ਹੋ ਜਾਣੀ,
ਕਦ ਮੈਂ ਸੁਰਤ ਦਾ ਖੇਡਾ ਸਮਝੂੰ
ਕਦ ਅਕਲ ਮੇਰੀ ਏ ਮੋਅ ਜਾਣੀ
ਕਦ ਮੈਂ ਸੀਸ ਦਾ ਮੋਹ ਤਿਆਗਣਾ
ਕਦ ਅਰਪਣ ਅਪਣਾ ਆਪ ਕਰਾਂਗਾ,
ਕਦ ਹੱਥ ਵਿੱਚ ਮੇਰੇ ਤੇਗ ਹੋਊਗੀ
ਕਦ ਹਰ ਸਾਂਹ ਨਾਲ ਜਾਪ ਕਰਾਂਗਾ
ਕਦ ਚਮਕੌਰ ਚ ਜੌਹਰ ਵਖਾਉਣੇ
ਕਦ ਮਾਛੀਵਾੜੇ ਹੋਊ ਸ਼ੁਕਰਾਨਾ
ਕਦ ਸਰਹਿੰਦ ਚ ਪਾਊਂ ਸ਼ਹੀਦੀ
ਕਦ ਤੀਰਾਂ ਨਾਲ ਹੋਊਂ ਰਵਾਨਾ
ਕਦ ਤੀਰਾਂ ਨਾਲ ਹੋਊਂ ਰਵਾਨਾ….
