August 16, 2010

ਫਰੀਦਕੋਟ, 14 ਅਗਸਤ (ਗੁਰਭੇਜ ਸਿੰਘ ਚੌਹਾਨ) : ਮਰਦਮ ਸ਼ੁਮਾਰੀ ਵਿਚ ਜਾਤ ਸਬੰਧੀ ਵੇਰਵੇ ਜੋੜਣ ਲਈ ਮੰਤਰੀਆਂ ਦੇ ਗਰੁੱਪ ਵਲੋਂ ਮਿਲੀ ਪ੍ਰਵਾਨਗੀ ਤੋਂ ਇਕ ਵਾਰ ਫਿਰ ਇਹ ਸਪੱਸ਼ਟ ਹੋ ਗਿਆ ਹੈ ਕਿ ਭਾਰਤ ’ਤੇ ਕਾਬਜ਼ ਸ਼ਕਤੀਆਂ ਦੇਸ਼ ਵਿਚੋਂ ਮਾਨਵਤਾ ਵਿਰੋਧੀ ਮੰਨੂੰਵਾਦ ਨੂੰ ਕਿਸੇ ਵੀ ਕੀਮਤ ’ਤੇ ਕਮਜ਼ੋਰ ਨਹੀਂ ਪੈਣ ਦੇਣਾ ਚਾਹੁੰਦੀਆਂ। ਇਹ ਵਿਚਾਰ ਪ੍ਰਗਟਾਉਂਦਿਆਂ ਸ਼੍ਰੋਮਣੀ ਅਕਾਲੀ ਦਲ ਪੰਚ ਪ੍ਰਧਾਨੀ ਦੇ ਸਕੱਤਰ ਜਨਰਲ ਭਾਈ ਹਰਪਾਲ ਸਿੰਘ ਚੀਮਾ, ਕੌਮੀ ਵਿਸ਼ੇਸ ਸਕੱਤਰ ਸੰਤੋਖ ਸਿੰਘ ਸਲਾਣਾ ਤੇ ਸੰਦੀਪ ਸਿੰਘ ਕਨੇਡੀਅਨ ਨੇ ਕਿਹਾ ਕਿ ਹਿੰਦੂ ਸਮਾਜ ਦੀ ਰੀੜ* ਦੀ ਹੱਡੀ ਮੰਨੇ ਜਾਂਦੇ ਜਾਤ-ਪਾਤੀ ਸਿਸਟਮ ਨੂੰ ਖ਼ਤਮ ਕਰਨ ਲਈ ਲੋਕਾਂ ਵਲੋਂ ਚੁਣੇ ਗਏ ਨੁਮਾਇੰਦੇ ਹੀ ਸ਼ੰਜੀਦਾ ਨਹੀਂ ਹਨ ਸਗੋਂ ਉਹ ਖੁਦ ਇਸ ਮਾਨਵਤਾ ਵਿਰੋਧੀ ਬੁਰਾਈ ਵਿਚ ਬੁਰੀ ਤਰਾਂ ਲਿਪਤ ਹਨ ਤੇ ਦੇਸ਼ ਵਿਚ ਸਮਾਜਿਕ ਬਰਾਬਰੀ ਦਾ ਮਹੌਲ ਨਹੀਂ ਸਿਰਜਣਾ ਚਾਹੁੰਦੇ। ਉਹ ਅਜੇ ਵੀ ਦਲਿਤ ਅਤੇ ਘੱਟਗਿਣਤੀਆਂ ਨੂੰ ਅਪਣੀ ਜੁੱਤੀ ਹੇਠ ਰੱਖਣ ਦੀ ਹਿੰਦੂ ਕੱਟੜਵਾਦੀ ਮਾਨਸਿਕਤਾ ਵਿੱਚ ਗ੍ਰਸਤ ਹਨ।