ਬਿਲਾਸਪੁਰ ( 20 ਅਕਤੂਬਰ 2014): ਕੇਂਦਰ ਵਿੱਚ ਮੋਦੀ ਦੀ ਅਗਵਾਈ ਵਾਲੀ ਭਾਜਪਾ ਸਰਕਾਰ ਦੀ ਅਲੋਚਨਾ ਕਰਦਿਆਂ ਯੂਪੀ ਸਰਕਾਰ ਦੇ ਸ਼ਹਿਰੀ ਵਿਕਾਸ ਮੰਤਰੀ ਮੁਹੰਮਦ ਆਜਮ ਖਾਨ ਨੇ ਕਿਹਾ ਕਿ ਭਾਜਪਾ ਆਰ. ਐੱਸ. ਅੱੈਸ ਦਾ ਏਜੰਡਾ ਲਾਗੂ ਕਰ ਰਹੀ ਹੈ ਅਤੇ ਭਾਜਪਾ ਅਤੇ ਰਾਸ਼ਟਰੀ ਸਵੈ-ਸੇਵਕ ਸੰਘ (ਆਰ.ਐੱਸ.ਐੱਸ.) ਮਿਲ ਕੇ ਭਾਰਤ ਦਾ ਸੰਵਿਧਾਨ ਬਦਲਣਾ ਚਾਹੁੰਦੇ ਹਨ। ਹੁਣ ਭਾਰਤ ਵਿੱਚ ਸੰਵਿਧਾਨ ਦਾ ਨਹੀਂ ਆਰ.ਐੱਸ.ਐੱਸ. ਦਾ ਰਾਜ ਹੋਵੇਗਾ।
ਸ਼ਹਿਰੀ ਵਿਕਾਸ ਮੰਤਰੀ ਮੁਹੰਮਦ ਆਜਮ ਖਾਨ ਯੂ.ਪੀ. ਵਿੱਚ ਬਿਲਾਸਪੁਰ ਦੇ ਇੱਕ ਸਕੂਲ ਵਿੱਚ ਪੰਜਾਬੀ ਸਿੱਖ ਸੰਮੇਲਨ ਨੂੰ ਸੰਬੋਧਨ ਕਰ ਰਹੇ ਸਨ। ਇਸ ਦੌਰਾਨ ਉਨ੍ਹਾਂ ਨੇ ਕਿਹਾ ਕਿ ਵੋਟ ਛੋਟੀ ਚੀਜ਼ ਹੈ। ਸਾਰਿਆਂ ਨੂੰ ਅਧਿਕਾਰ ਮਿਲਣਾ ਚਾਹੀਦਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਲੋਕਾਂ ਨੇ ਜਿਸ ਨੂੰ ਵੋਟ ਪਾਈ, ਉਸ ਦੀ ਮਾਨਸਿਕਤਾ ਆਰ.ਐੱਸ.ਐੱਸ. ਨੇ ਐਲਾਨ ਕਰ ਦਿੱਤੀ ਹੈ।
ਭਾਜਪਾ ਸਰਕਾਰ ਨਾਲ ਸੰਘ ਦੇਸ਼ ਵਿੱਚ ਆਪਣਾ ਰਾਜ ਚਲਾਉਣਾ ਚਾਹੁੰਦੇ ਹਨ। ਉਹ ਅਜਿਹੇ ਲੋਕਾਂ ਦੇ ਖਿਲਾਫ ਹਨ ਅਤੇ ਕੋਈ ਸਮਝੌਤਾ ਨਹੀਂ ਕਰਨਗੇ, ਬਲਕਿ ਉਨ੍ਹਾਂ ਦੀ ਲੜਾਈ ਜਾਰੀ ਰਹੇਗੀ।
ਉਨ੍ਹਾਂ ਨੇ ਭਾਜਪਾ ਤੇ ਮੀਡੀਆ ਨੂੰ ਖਰੀਦਣ ਦਾ ਦੋਸ਼ ਲਗਾਉਂਦੇ ਹੋਏ ਕਿਹਾ ਕਿ ਭਾਜਪਾ ਨੇ ਮੀਡੀਆ ਨੂੰ ਖਰੀਦ ਕੇ ਚੈਨਲ ’ਤੇ ਪਟੀ ਚਲਵਾਈ ਕਿ ਮੋਦੀ ਚੁਸਤ ਅਤੇ ਹੁਦ ਹਦ ਸੁਸਤ। ਉਨ੍ਹਾਂ ਨੇ ਹਵਾਈ ਅੱਡੇ ’ਤੇ ਚੈਨਲਾਂ ਦੁਆਰਾ ਅਸਲਾ ਬਰਾਮਦ ਕਰਨ ਦੀ ਗੱਲ ਦੀ ਅਲੋਚਨਾ ਕੀਤੀ।
