ਅੰਮ੍ਰਿਤਸਰ (19ਜੁਲਾਈ, 2011 - ਸਰਵਨ ਸਿੰਘ ਰੰਧਾਵਾ): ਪੰਜਾਬ ਦੇ ਮਹਾਂਨਗਰ ਅੰਮ੍ਰਿਤਸਰ ਨੂੰ ਪੂਰੀ ਦੁਨੀਆਂ ਵਿੱਚ ਇਤਹਾਸਿੱਕ ਅਤੇ ਪਵਿੱਤਰ ਸ਼ਹਿਰ ਵੱਜੋਂ ਜਾਣਿਆਂ ਜਾਂਦਾ ਹੈ।ਇੱਥੇ ਮੋਜੂਦ ਪੁਰਾਣੀਆਂ ਇਤਹਾਸਿੱਕ ਇਮਾਰਤਾਂ ਪੂਰੇ ਵਿਸ਼ਵ ਵਿੱਚ ਪ੍ਰਸਿੱਧ ਹਨ,ਜਿੰਨਾ ਦੇ ਚੱਲਦਿਆਂ ਦੇਸ਼ਾਂ ਵਿਦੇਸ਼ਾਂ ਵਿੱਚ ਵੱਸਦੇ ਲੋਕ ਇਸ ਸ਼ਹਿਰ ਨੂੰ ਰੱਬ ਦੇ ਘਰ ਦੇ ਰੂਪ ਦਾ ਦਰਜਾ ਦੇਂਦੇ ਹਨ।ਜਿੱਥੇ ਲੋਕਾਂ ਦੇ ਮਨਾਂ ਅੰਦਰ ਇੱਥੋਂ ਦੀਆਂ ਇਮਾਰਤਾਂ ਦਾ ਐਨਾਂ ਮਾਣ ਸਤਿਕਾਰ ਅਤੇ ਇਹਨਾਂ ਨੂੰ ਵੇਖਣ ਦੀ ਤਾਂਗ ਹੈ ਉੱਥੇ ਸ਼ਹਿਰ ਦੀ ਨਗਰ ਨਿਗਮ ਅਤੇ ਸਾਡੀ ਪੰਜਾਬ ਦੀ ਸਰਕਾਰ ਦੇ ਕੁੱਝ ਮੰਤਰੀਆਂ ਦਾ ਨੂੰ ਇਹਨਾਂ ਇਮਰਤਾਂ ਦੀ ਸੁੰਦਰ ਦਿੱਖ ਦਾ ਨਾਂ ਤਾਂ ਧਿਆਨ ਹੈ ਅਤੇ ਨਾਂ ਹੀ ਲਿਹਾਜ ਹੈ। ਇਸ ਦੀ ਕਹਾਣੀ ਖਬਰ ਨਾਲ ਪ੍ਰਕਾਸ਼ਿਤ ਕੀਤੀਆਂ ਗਈਆਂ ਤਸਵੀਰਾਂ ਸਾਫ ਬੋਲ ਰਹੀਆਂ ਹਨ।
