October 29, 2013

ਚੰਡੀਗੜ੍ਹ/ ਪੰਜਾਬ (29 ਅਕਤੂਬਰ, 2013): ਸਿੱਖ ਸਿਆਸਤ ਨਿਊਜ਼ ਨੂੰ ਮਿਲੀ ਜਾਣਕਾਰੀ ਅਨੁਸਾਰ ਸਿੱਖ ਜਥੇਬੰਦੀਆਂ ਅਤੇ ਨਵੰਬਰ 1984 ਦੀ ਨਸਲਕੁਸ਼ੀ ਦੇ ਪੀੜਤਾਂ ਵੱਲੋਂ ਜਨੇਵਾ ਵਿਖੇ ਸੰਯੁਕਤ ਰਾਸ਼ਟਰ ਕੋਲ ਪਾਈ ਜਾਣ ਵਾਲੀ “1984 ਹਾਂ ਇਹ ਨਸਲਕੁਸ਼ੀ ਹੈ” ਪਟੀਸ਼ਨ ਉੱਤੇ 10 ਲੱਖ ਉੱਪਰ ਦਸਤਖਤ ਹੋ ਚੁੱਕੇ ਹਨ। ਪਟੀਸ਼ਨ ਲਈ ਦਸਤਖਤੀ ਮੁਹਿੰਮ ਚਲਾਉਣ ਵਾਲੀਆਂ ਜਥੇਬੰਦੀਆਂ ਸਿੱਖਸ ਫਾਰ ਜਸਟਿਸ ਅਤੇ ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ (ਪੀਰਮੁਹੰਮਦ) ਅਨੁਸਾਰ ਇਹ ਪਟੀਸ਼ਨ 1 ਨਵੰਬਰ 2013 ਨੂੰ ਸਿੱਖ ਨਸਲਕੁਸ਼ੀ ਦੇ 29ਵੀਂ ਵਰ੍ਹੇਗੰਢ ਮੌਕੇ ਜਨੇਵਾ ਸਥਿਤ ਸੰਯੁਕਤ-ਰਾਸ਼ਟਰ ਦੇ ਮਨੁੱਖੀ ਹੱਕਾਂ ਦੇ ਮਾਮਲਿਆਂ ਦੇ ਹਾਈ ਕਮਿਸ਼ਨਰ ਨਵੀ ਪਿੱਲੇ ਨੂੰ ਸੌਂਪੀ ਜਾਵੇਗੀ।