ਚੰਡੀਗੜ੍ਹ: ਸਿੱਖ ਸਿਆਸਤ ਦੇ ਪਾਠਕਾਂ ਦੀ ਜਾਣਕਾਰੀ ਹਿਤ ਅੱਜ (20 ਦਸੰਬਰ 2019) ਦੀਆਂ ਚੋਣਵੀਆਂ ਖਬਰਾਂ ਦੇ ਅਹਿਮ ਨੁਕਤੇ ਸਾਂਝੇ ਕਰ ਰਹੇ ਹਾਂ। ਆਪ ਪੜ੍ਹੋ ਅਤੇ ਹੋਰਨਾਂ ਨਾਲ ਸਾਂਝੇ ਕਰੋ –
ਖਬਰਾਂ ਸਿੱਖ ਜਗਤ ਦੀਆਂ:
● ਪ੍ਰੋ. ਦਵਿੰਦਰਪਾਲ ਸਿੰਘ ਭੁੱਲਰ ਦੀ ਰਿਹਾਈ ਦੇ ਅਮਲ ਉੱਤੇ ਭਾਰਤੀ ਸੁਪਰੀਮ ਕੋਰਟ ਦੇ ਰੋਕ ਲਗਾਉਣ ਖਿਲਾਫ ਕਾਨੂੰਨ ਚਾਰਾਜੋਈ ਦੀ ਚਰਚਾ ਸ਼ੁਰੂ
● ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀ ਨਵੀਂ ਚੁਣੀਂ ਗਈ ਅੰਤ੍ਰਿੰਗ ਕਮੇਟੀ ਵਿੱਚ ਫੈਸਲਾ ਲਿਆ ਕਿ ਅਦਾਲਤ ਵਿਚ ਅਰਜੀ ਲਾਈ ਜਾਵੇਗੀ
● ਭਾਈ ਬਲਵੰਤ ਸਿੰਘ ਰਾਜੋਆਣਾ ਮਾਮਲੇ ਵਿੱਚ ਵੀ ਜਲਦ ਹੀ ਸ਼੍ਰੋਮਣੀ ਕਮੇਟੀ ਦਾ ਵਫਦ ਭਾਰਤੀ ਗ੍ਰਹਿ ਮੰਤਰੀ ਨੂੰ ਮਿਲੇਗਾ
● 1984 ਦੇ ਘੱਲੂਘਾਰੇ ਬਾਰੇ ਅੰਗਰੇਜ਼ੀ ਵਿਚ ਲਿਖੇ ਗਏ ਪਹਿਲੇ ਨਾਵਲ ਦੀ ਤੀਜੀ ਛਾਪ ਚੰਡੀਗੜ੍ਹ ਵਿਖੇ ਜਾਰੀ ਕੀਤੀ
ਖਬਰਾਂ ਭਾਰਤੀ ਉਪਮਹਾਂਦੀਪ ਤੋਂ
● ਭਾਰਤੀ ਉਪਮਹਾਂਦੀਪ ਵਿੱਚ ਨਾਗਰਿਕਤਾ ਸੋਧ ਕਾਨੂੰਨ ਦਾ ਵਿਰੋਧ ਲਗਾਤਾਰ ਜਾਰੀ
● ਵਿਰੋਧ ਨੂੰ ਵੇਖਦੇ ਹੋਏ ਦਿੱਲੀ ਦੇ ਚੌਦਾਂ ਰੇਲ ਮੈਟਰੋ ਅੱਡੇ ਕੀਤੇ ਬੰਦ
● ਲਾਲ ਕਿਲ੍ਹੇ ਇਲਾਕੇ ਵਿੱਚ ਧਾਰਾ 144 ਤਹਿਤ ਰੋਕਾਂ ਅਤੇ ਮਨਾਹੀ ਦੇ ਹੁਕਮ ਜਾਰੀ
● ਸਰਕਾਰ ਦੇ ਹੁਕਮ ਨਾਲ ਦਿੱਲੀ ਦੇ ਕਈ ਇਲਾਕਿਆਂ ਵਿੱਚ ਮੋਬਾਈਲ ਸੇਵਾਵਾਂ ਪੂਰੀ ਤਰਾਂ ਬੰਦ ਕੀਤੀਆਂ ਗਈਆਂ
● ਰੋਹ ਵਿਖਾਇਆ ਕਰਕੇ ਦਿੱਲੀ ਨੈਸ਼ਨਲ ਸੜਕ ਉਪਰ ਲੱਗਿਆ ਬਹੁਤ ਵੱਡਾ ਜਾਮ
● ਜਾਮ ਲੱਗਣ ਕਰਕੇ ਹਵਾਈ ਜਹਾਜ਼ਾਂ ਦੀਆਂ 16 ਉਡਾਣਾਂ ਵਿੱਚ ਦੇਰੀ ਅਤੇ 19 ਉਡਾਣਾਂ ਰੱਦ ਕਰਨੀਆਂ ਪਈਆਂ
● ਸੀਤਾਰਾਮ ਯੇਚੁਰੀ,ਜੋਗਿੰਦਰ ਯਾਦਵ, ਧਰਮਵੀਰ ਗਾਂਧੀ, ਸੰਦੀਪ ਦੀਕਸ਼ਤ, ਉਮਰ ਖ਼ਾਲਿਦ ਸਮੇਤ ਕਈ ਨੇਤਾ ਪੁਲਿਸ ਨੇ ਹਿਰਾਸਤ ਵਿੱਚ ਲਏ
● ਨਾਗਰਿਕਤਾ ਸੋਧ ਕਾਨੂੰਨ ਵਿਰੁੱਧ ਰੋਹ ਵਿਖਾਵਾ ਕਰਨ ਤੇ ਪ੍ਰਸਿੱਧ ਭਾਰਤੀ ਇਤਿਹਾਸਕਾਰ ਰਾਮਚੰਦਰ ਗੂਹਾ ਨੂੰ ਬੰਗਲੂਰੂ ਪੁਲਿਸ ਨੇ ਫੜਿਆ
● ਵੱਖ ਵੱਖ ਰਾਜਨੀਤਕ ਪਾਰਟੀਆਂ ਦੇ ਵਿਰੋਧ ਨੂੰ ਵੇਖਦੇ ਹੋਏ ਉੱਤਰ ਪ੍ਰਦੇਸ਼ ਸਮੇਤ ਭਾਰਤੀ ਉਪਮਹਾਂਦੀਪ ਦੇ ਕਈ ਸੂਬਿਆਂ ਵਿੱਚ ਧਾਰਾ ਇੱਕ ਸੌ ਚਤਾਲੀ ਲਾਗੂ
● ਬਿਹਾਰ ਦੇ ਪਟਨਾ, ਦਰਬੰਗਾ ਸਮੇਤ ਕਈ ਸ਼ਹਿਰਾਂ ਵਿੱਚ ਰੇਲਾਂ ਰੋਕੀਆਂ ਗਈਆਂ
● ਉਤੱਰ ਪ੍ਰਦੇਸ ਦੇ ਮੁੱਖ ਮੰਤਰੀ ਯੋਗੀ ਨੇ ਇਕ ਵਿਵਾਦਤ ਬਿਆਨ:
● ਕਿਹਾ ਕਿ ਜਦੋਂ ਕੋਈ ਇਰਫਾਨ ਅੰਸਾਰੀ (ਭਾਵ ਮੁਸਲਮਾਨ) ਜਿੱਤੇਗਾ ਤਾਂ ਅਯੁੱਧਿਆ ਵਿੱਚ ਰਾਮ ਮੰਦਰ ਕਿਵੇਂ ਬਣੇਗਾ
● ਰਾਮ ਮੰਦਰ “ਭਗਵਾਨ ਦੀ ਜੱਮਣ-ਭੌਂ ‘ਤੇ ਬਣਨ ਵਾਲਾ ਰਾਸ਼ਟਰ ਮੰਦਰ” ਦੱਸਿਆ
ਕਿਹਾ ਕਿ, ਮੰਦਰ ਵਿਚ ਭਾਰਤ ਦੀ ਆਤਮ ਬੈਠਾਈ ਜਾਵੇਗੀ ਜੋ ਭਾਰਤ ਦੀ ਨਿਆਂਪਾਲਿਕਾ ‘ਤੇ ਲੋਕਤੰਤਰ ਦਾ ਅਹਿਸਾਸ ਦੁਨੀਆਂ ਨੂੰ ਕਰਵਾਏਗੀ
● ਝਾਰਖੰਡ ਦੇ ਜਾਮਤਾੜਾ ਵਿਧਾਨ ਸਭਾ ਹਲਕੇ ਵਿੱਚ ਚੋਣ ਰੈਲੀ ਵਿੱਚ ਬੋਲਦੇ ਹੋਏ ਯੋਗੀ ਨੇ ਕਿਹਾ ਕਿ ਪੰਜ ਸੌ ਸਾਲਾਂ ਵਿੱਚ ਹਿੰਦੂਆਂ ਨੇ ੧੭੬ ਲੜਾਈਆਂ ਲੜੀਆਂ ਅਤੇ ਰਾਮ ਜਮਣ-ਭੌਂ ਪਾਉਣ ਲਈ ਕਈ ਹਿੰਦੂ ਮੌਤ ਦੇ ਘਾਟ ਉਤਾਰੇ ਗਏ
ਕੌਮਾਂਤਰੀ ਖਬਰਾਂ:
● ਲੰਦਨ ਵਿੱਚ ਭਾਰਤੀ ਰਾਜਦੂਤ ਸਾਹਮਣੇ ਵਿਦਿਆਰਥੀਆਂ ਨੇ ਕੀਤਾ ਰੋਹ ਵਿਖਾਵਾ
● ਵਿਦਿਆਰਥੀਆਂ ਨੇ ਨਾਗਰਿਕਤਾ ਸੋਧ ਕਾਨੂੰਨ ਵਾਪਿਸ ਲੈਣ ਕੀਤੀ ਮੰਗ
● ਪਾਕਿਸਤਾਨੀ ਵਿਦੇਸ਼ ਮੰਤਰੀ ਸ਼ਾਹ ਮਹਿਮੂਦ ਕੁਰੈਸ਼ੀ ਨੇ ਕਿਹਾ ਕਿ ਭਾਰਤ ਵਿੱਚ ਮੁਸਲਮਾਨਾਂ ਨੂੰ ਦੂਜੇ ਦਰਜੇ ਦੇ ਨਾਗਰਿਕ ਬਣਾਉਣ ਦੀ ਕੋਸ਼ਿਸ਼ ਹੋ ਰਹੀ ਹੈ
● ਕੁਰੈਸ਼ੀ ਨੇ ਕਿਹਾ ਕਿ ਭਾਰਤ ਵਿੱਚ ਇਸ ਕਾਨੂੰਨ ਵਿਰੁੱਧ ਜਗ੍ਹਾ-ਜਗ੍ਹਾ ਰੋਹ ਵਿਖਾਵੇ ਤੋਂ ਧਿਆਨ ਹਟਾਉਣ ਲਈ ਭਾਰਤੀ ਸਰਕਾਰ ਕੁੱਝ ਵੀ ਕਰ ਸਕਦੀ ਹੈ
● ਉਹਨਾਂ ਕਿਹਾ ਅਸੀਂ ਭਾਰਤੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਸਪਸ਼ਟ ਕਰ ਦੇਣਾਂ ਚਾਹੁੰਦੇ ਹਾਂ ਕਿ ਅਸੀਂ ਸ਼ਾਤੀ ਚਾਹੁੰਦੇ ਹਾਂ ਪਰ ਇਹ ਸਾਡੀ ਕਮਜੋਰੀ ਨਹੀਂ ਹੈ
● ਕੁਰੈਸ਼ੀ ਨੇ ਕਿਹਾ ਕਿ ਸਾਡੀ ਸੈਨਾ ਮੂੰਹ ਤੋੜ ਜਵਾਬ ਦੇਣ ਲਈ ਤਿਆਰ ਹੈ
● ਪਾਕਿਸਤਾਨ ਦੀ ਵਿਸ਼ੇਸ਼ ਅਦਾਲਤ ਨੇ ਮੁਸ਼ੱਰਫ਼ ਦੀ ਸਜ਼ਾ ਦਾ ਵੇਰਵਾ ਜਾਰੀ ਕੀਤਾ
● ਅਦਾਲਤ ਨੇ ਕਿਹਾ ਜੇ ਮੁਸ਼ੱਰਫ਼ ਫਾਂਸੀ ਦੇਣ ਤੋਂ ਪਹਿਲਾਂ ਮਰ ਜਾਵੇ ਤਾਂ ਉਸਦੀ ਲਾਸ਼ ਨੂੰ ਘਸੀਟ ਕੇ ਚੌਂਕ ਵਿੱਚ ਲਿਆਂਦਾ ਜਾਵੇ ਅਤੇ ਲਾਸ਼ ਤਿੰਨ ਦਿਨ ਚੌਂਕ ਵਿੱਚ ਲਟਕਾਈ ਜਾਵੇ
