ਅੰਮ੍ਰਿਤਸਰ: ਮਾਝੇ ਤੇ ਦੁਆਬੇ ਦੇ ਹਜਾਰਾਂ ਪਿੰਡਾਂ ਦੀ ਲੱਖਾਂ ਏੇਕੜ ਜਮੀਨ ਨੂੰ ਆਪਣੇ ਪਾਣੀ ਨਾਲ ਸਿੰਝਣ ਵਾਲੇ ਅਤੇ ਸਰਹੱਦੀ ਜਿਿਲ੍ਹਆਂ ਨੂੰ ਟਨਾ ਦੇ ਹਿਸਾਬ ਤਾਜੀ ਖਾਣ ਯੋਗ ਮੱਛੀ ਮੁਹਈਆ ਕਰਾਉਣ ਵਾਲੇ ਦਰਿਆ ਬਿਆਸ ਦਾ ਪਾਣੀ ਕਿਸੇ ਜਹਿਰੀਲੇ ਰਸਾਇਣ ਦੇ ਮਿਲ ਜਾਣ ਕਾਰਣ ਲਾਲ ਨਜਰ ਆਇਆ। ਰਸਾਇਣ ਕਾਰਣ ਦਰਿਆ ਵਿੱਚਲੀਆਂ ਲੱਖਾਂ ਹੀ ਮੱਛੀਆਂ ਨੂੰ ਵੀ ਤੜਪ ਤੜਪ ਕੇ ਮਰਦੇ ਵੇਖਿਆ ਗਿਆ।
ਜਾਣਕਾਰੀ ਮਿਲਦਿਆਂ ਹੀ ਨਹਿਰੀ ਵਿਭਾਗ ਤੇ ਜਿਲ੍ਹਾ ਪ੍ਰਸ਼ਾਸ਼ਨਿਕ ਅਧਿਕਾਰੀਆਂ ਨੇ ਮਰੀਆਂ ਹੋਈਆਂ ਮੱਛੀਆਂ ਨੂੰ ਪਾਣੀ ਚੋਂ ਬਾਹਰ ਕਢਾਉਣ ਦਾ ਯਤਨ ਆਰੰਭਿਆ ਲੇਕਿਨ ਉਸ ਵੇਲੇ ਤੀਕ ਨੇੜਲੇ ਇਲਾਕਿਆਂ ਦੇ ਲੋਕ ਤੇ ਮਛੇਰੇ ਵੱਡੀ ਗਿਣਤੀ ਮਰੀ ਹੋਈ ਮੱਛੀ ਢੋਹ ਚੱੁਕੇ ਸਨ ।ਉਧਰ ਜਾਣਕਾਰਾਂ ਦਾ ਕਹਿਣਾ ਹੈ ਕਿ ਪ੍ਰਸ਼ਾਸ਼ਨ ਨੇ ਤੁਰੰਤ ਕਾਰਵਾਈ ਕਰਦਿਆਂ ਗੁਰਦਾਸਪੁਰ, ਬਟਾਲਾ, ਅੰਮ੍ਰਿਤਸਰ, ਤਰਨਤਾਰਨ, ਕਪੂਰਥਲਾ ਤੇ ਸੁਲਤਾਨਪੁਰ ਲੋਧੀ ਸਮਤੇ 8 ਜਿਿਲ੍ਹਆਂ ਦੇ ਲੋਕਾਂ ਨੂੰ ਤਾੜਨਾ ਕੀਤੀ ਹੈ ਕਿ ਉਹ ਦਰਿਆ ਬਿਆਸ ਵਿੱਚ ਮਰੀ ਮੱਛੀ ਖਾਣ ਤੋਂ ਗੁਰੇਜ ਕਰਨ। ਅਧਿਕਾਰੀਆਂ ਨੇ ਸ਼ੰਕਾ ਜਿਤਾਈ ਹੈ ਕਿ ਰਸਾਇਣ ਕਾਰਣ ਮੱਛੀ ਮਨੱੁਖੀ ਸਰੀਰ ਲਈ ਵੀ ਹਾਨੀਕਾਰਕ ਸਿੱਧ ਹੋ ਸਕਦੀ ਹੈ।
ਇਸੇ ਦੌਰਾਨ ਅੰਮ੍ਰਿਤਸਰ ਤੋਂ ਲੋਕ ਸਭਾ ਮੈਂਬਰ ਗੁਰਜੀਤ ਸਿੰਘ ਔਜਲਾ ਤੇ ਸਿਿਖਆ ਮੰਤਰੀ ਓਮਪ੍ਰਕਾਸ਼ ਸੋਨੀ ਵੀ ਘਟਨਾ ਸਥਾਨ ਤੇ ਪੁਜੇ ਤੇ ਹਾਲਾਤ ਦਾ ਜਾਇਜਾ ਲਿਆ। ਕੁਝ ਜਾਣਕਾਰਾਂ ਅਨੁਸਾਰ ਕੀੜੀ ਅਫਗਾਨਾਂ ਸਥਿਤ ਇੱਕ ਫੈਕਟਰੀ ਦਾ ਰਸਾਇਣ ਦਰਿਆ ਵਿੱਚ ਵਹਿ ਜਾਣ ਕਾਰਣ ਇਹ ਘਟਨਾ ਵਾਪਰੀ ਹੈ।
