ਅੰਮਿ੍ਤਸਰ (30 ਮਾਰਚ, 2016): ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਅੰਮ੍ਰਿਤਸਰ ਵੱਲੋਂ ਅੱਜ 2016-17 ਦਾ ਸਾਲਾਨਾ ਬਜਟ 31 ਮਾਰਚ ਨੂੰ ਸ਼ੋ੍ਰਮਣੀ ਕਮੇਟੀ ਦੇ ਮੁੱਖ ਦਫ਼ਤਰ ਤੇਜਾ ਸਿੰਘ ਸਮੁੰਦਰੀ ਹਾਲ ਵਿਖੇ ਅੰਤਿੰਰਗ ਕਮੇਟੀ ਵੱਲੋਂ ਪੇਸ਼ ਕੀਤਾ ਜਾਵੇਗਾ, ਜਿਸ ‘ਚ ਪਿਛਲੇ ਵਰ੍ਹੇ ਨਾਲੋਂ ਵਾਧੇ ਦੀ ਸੰਭਾਵਨਾ ਹੈ ।
ਸ਼੍ਰੋਮਣੀ ਕਮੇਟੀ ਦੇ ਜਨਰਲ ਹਾਊਸ ਨੂੰ ਸਰਵ ਉੱਚ ਅਦਾਲਤ ‘ਚ ਮਾਮਲਾ ਹੋਣ ਕਾਰਨ ਮਾਨਤਾ ਨਹੀਂ ਹੈ ਜਿਸ ਕਾਰਨ ਪਿਛਲੇ ਚਾਰ ਵਰਿ੍ਹਆਂ ਤੋਂ ਅੰਤਿੰਰਗ ਕਮੇਟੀ ਹੀ ਬਜਟ ਪ੍ਰਵਾਨ ਕਰਦੀ ਹੈ । ਇਸ ਬਜਟ ‘ਚ ਗੁਰਦੁਆਰਾ ਪ੍ਰਬੰਧਾਂ ਤੋਂ ਇਲਾਵਾ ਸ਼ੋ੍ਰਮਣੀ ਕਮੇਟੀ ਨਾਲ ਜੁੜੇ ਵਿਦਿਅਕ ਅਤੇ ਸਿਹਤ ਅਦਾਰਿਆਂ ਦੇ ਖਰਚਿਆਂ ਦਾ ਅਨੁਮਾਨ ਪ੍ਰਸਤਾਵਿਤ ਕੀਤਾ ਜਾਵੇਗਾ ।
ਬਜਟ ਨੂੰ ਜਨਰਲ ਸਕੱਤਰ ਸ: ਸੁਖਦੇਵ ਸਿੰਘ ਭੌਰ ਪੇਸ਼ ਕਰਨਗੇ, ਜਦ ਕਿ ਪ੍ਰਧਾਨ ਜਥੇਦਾਰ ਅਵਤਾਰ ਸਿੰਘ ਸਮੇਤ ਸਮੁੱਚੀ ਅੰਤਿ੍ੰਗ ਇਸ ਨੂੰ ਪ੍ਰਵਾਨਗੀ ਦੇਵੇਗੀ । ਇਸ ਸਬੰਧੀ ਚਰਚਾ ਲਈ ਪਹਿਲਾਂ ਹੀ ਸਬ ਕਮੇਟੀਆਂ ਗਠਿਤ ਕਰ ਦਿੱਤੀਆਂ ਗਈਆਂ ਸਨ, ਜਿਨ੍ਹਾਂ ਦੀ ਸਿਫਾਰਸ਼ ‘ਤੇ ਬਜਟ ‘ਚ ਅਮਲ ਕੀਤਾ ਜਾਵੇਗਾ ।
