ਸ੍ਰੀਨਗਰ: ਕਸ਼ਮੀਰੀ ਮੀਡੀਆ ਦੀਆਂ ਰਿਪੋਰਟਾਂ ਮੁਤਾਬਕ ਮੁੰਬਈ ਅਧਾਰਤ ਸਿਆਸੀ ਦਲ ਸ਼ਿਵ ਸੈਨਾ ਹਿੰਦੁਸਤਾਨ ਦੇ ਆਗੂ ਨੇ ਵੀਰਵਾਰ (22 ਦਸੰਬਰ) ਨੂੰ ਕਸ਼ਮੀਰ ਦੇ ਜੰਗਜੂ ਕਮਾਂਡਰ ਬੁਰਹਾਨ ਵਾਨੀ ਨੂੰ ਸ਼ਹੀਦ ਅਤੇ ਜੰਮੂ ਕਸ਼ਮੀਰ ਸਰਕਾਰ ਨੂੰ “ਅੱਤਵਾਦੀ” ਕਹਿੰਦਿਆਂ ਸਵਾਲ ਕੀਤਾ, “ਪੀ.ਡੀ.ਪੀ.-ਭਾਜਪਾ ਸਰਕਾਰ ਨੇ ਮਾਸੂਮ ਲੋਕਾਂ ਨੂੰ ਕਤਲ ਕਰਕੇ ਕੀ ਪ੍ਰਾਪਤ ਕੀਤਾ।”
ਪੱਤਰਕਾਰਾਂ ਨੂੰ ਸੰਬੋਧਤ ਹੁੰਦੇ ਹੋਏ ਸ਼ਿਵ ਸੈਨਾ ਹਿੰਦੁਸਤਾਨ ਦੇ ਕੌਮੀ ਮੀਤ ਪ੍ਰਧਾਨ ਪੰਡਤ ਰਾਜੇਸ਼ ਕੇਸਰੀ ਨੇ ਕਿਹਾ ਕਿ ਉਹ ਖੁਦ ਅਤੇ ਉਨ੍ਹਾਂ ਦੀ ਪਾਰਟੀ ਦੇ ਕਾਰਜਕਰਤਾ ਕਸ਼ਮੀਰ ਦੇ ਲੋਕਾਂ ਨੂੰ ਮਿਲੇ ਹਨ ਇਸ ਲਈ ਉਨ੍ਹਾਂ ਨੂੰ ਜ਼ਮੀਨੀ ਹਕੀਕਤ ਦਾ ਪਤਾ ਹੈ।
ਗ੍ਰੇਟਰ ਕਸ਼ਮੀਰ ਅਖ਼ਬਾਰ ਮੁਤਾਬਕ ਪੰਡਤ ਰਾਜੇਸ਼ ਕੇਸਰੀ ਨੇ ਕਈ ਵਾਰ ਬੁਰਹਾਨ ਵਾਨੀ ਨੂੰ “ਸ਼ਹੀਦ” ਕਿਹਾ ਅਤੇ 2016 ਦੀਆਂ ਗਰਮੀਆਂ ‘ਚ ਮਾਰੇ ਗਏ ਹੋਰ ਲੋਕਾਂ ਬਾਰੇ ਕਿਹਾ, “ਸਰਕਾਰ ਨੂੰ ਹਰੇਕ ਮਾਰੇ ਗਏ ਕਸ਼ਮੀਰੀ ਲਈ ਉਨ੍ਹਾਂ ਦੇ ਪਰਿਵਾਰਾਂ ਨੂੰ 50 ਲੱਖ ਫੀ ਵਿਅਕਤੀ ਦੇਣਾ ਚਾਹੀਦਾ ਹੈ।”
ਗ੍ਰੇਟਰ ਕਸ਼ਮੀਰ ਨੇ ਪੰਡਤ ਰਾਜੇਸ਼ ਕੇਸਰੀ ਦੇ ਹਵਾਲੇ ਨਾਲ ਲਿਖਿਆ, “ਖਾਲਿਦ ਮੁਜ਼ੱਫਰ ਵਾਨੀ (ਬੁਰਹਾਨ ਵਾਨੀ ਦਾ ਭਰਾ) ਸ਼ਹੀਦ ਹੈ। ਉਸਦਾ ਭਰਾ ਬੁਰਹਾਨ ਵਾਨੀ ਵੀ ਸ਼ਹੀਦ ਹੈ। ਮੈਂ ਕਹਾਂਗਾ ਕਿ 2016 ਦੀਆਂ ਝੜਪਾਂ ਦੌਰਾਨ ਮਾਰੇ ਗਏ ਸਾਰੇ ਕਸ਼ਮੀਰੀ ਸ਼ਹੀਦ ਹਨ।”
ਇਸ ਖ਼ਬਰ ਨੂੰ ਵਧੇਰੇ ਵਿਸਥਾਰ ਸਹਿਤ ਅੰਗ੍ਰੇਜ਼ੀ ਵਿਚ ਪੜ੍ਹਨ ਲਈ:
ਉਨ੍ਹਾਂ ਕਿਹਾ ਕਿ ਲੋਕ ਕਮਿਸ਼ਨ ਅਤੇ ਸਰਕਾਰੀ ਏਜੰਸੀਆਂ ਦੋਵਾਂ ਨੇ ਇਹ ਸਪੱਸ਼ਟ ਕੀਤਾ ਹੈ ਕਿ ਖਾਲਿਦ ਮੁਜ਼ੱਫਰ ਬੇਕਸੂਰ ਸੀ। ਉਨ੍ਹਾਂ ਕਿਹਾ, “ਸਰਕਾਰ ਨੇ ਉਨ੍ਹਾਂ (ਖਾਲਿਦ ਮੁਜ਼ੱਫਰ) ਦਾ ਨਾਮ ਬੇਕਸੂਰਾਂ ਦੀ ਸੂਚੀ ਵਿਚ ਸ਼ਾਮਲ ਕੀਤਾ ਹੈ। ਪੀੜਤ ਦੇ ਪਰਿਵਾਰ ਨੂੰ ਚਾਰ ਲੱਖ ਰੁਪਏ ਦੀ ਪੇਸ਼ਕਸ਼ ਕੀਤੀ ਗਈ। ਹਾਲਾਤਾਂ ਅਤੇ ਸਰਕਾਰੀ ਏਜੰਸੀਆਂ ਮੁਤਾਬਕ ਰਾਜ ਸਰਕਾਰ ਵਲੋਂ ਬੇਕਸੂਰ ਨੂੰ ਕਤਲ ਕਰ ਦਿੱਤਾ ਗਿਆ… ਅਤੇ ਬੁਰਹਾਨ ਵਾਨੀ ਨੂੰ ਹਥਿਆਰ ਚੁੱਕਣ ਲਈ ਮਜਬੂਰ ਕਰ ਦਿੱਤਾ ਗਿਆ।
ਉਨ੍ਹਾਂ ਕਿਹਾ ਕਿ ਜੰਮੂ ਕਸ਼ਮੀਰ ਸਰਕਾਰ ‘ਤੇ ਬੇਕਸੂਰਾਂ ਦੇ ਕਤਲ ਲਈ ਕੇਸ ਦਰਜ ਕੀਤਾ ਜਾਣਾ ਚਾਹੀਦਾ ਹੈ।
ਦੇਖੋ ਵੀਡੀਓ:
