ਲੰਡਨ, ਇੰਗਲੈਂਡ (26 ਅਕਤੂਬਰ, 2013): ਭਾਰਤ ਵਿਚ ਨਵੰਬਰ 1984 ਦੇ ਮੁਢਲੇ ਦਿਨਾਂ ਦੌਰਾਨ ਵਿਆਪਕ ਪੱਧਰ ਉੱਤੇ ਕੀਤੀ ਗਈ ਸਿੱਖ ਨਸਲਕੁਸ਼ੀ ਨੂੰ ਕੌਮਾਂਤਰੀ ਮਾਨਤਾ ਦਿਵਾਉਣ ਲਈ ਸਿੱਖਸ ਫਾਸ ਜਸਟਿਸ ਅਤੇ ਹੋਰਨਾਂ ਸਿੱਖ ਤੇ ਮਨੁੱਖੀ ਹੱਕਾਂ ਦੀਆਂ ਜਥੇਬੰਦੀਆਂ ਵੱਲੋਂ ਇਕ ਪਟੀਸ਼ਨ ਜਨੇਵਾ ਵਿਖੇ ਸੰਯੁਕਤ ਰਾਸ਼ਟਰ ਕੋਲ ਦਾਇਰ ਕੀਤੀ ਜਾ ਰਹੀ ਹੈ। ਪ੍ਰਾਪਤ ਵੇਰਵਿਆਂ ਅਨੁਸਾਰ ਇਸ ਪਟੀਸ਼ਨ ਨੂੰ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ।
“ਸਿੱਖ ਨਸਲਕੁਸ਼ੀ ਪਟੀਸ਼ਨ” ਦੇ ਨਾਂ ਨਾਲ ਚਰਚਤ ਇਹ ਪਟੀਸ਼ਨ ਸਯੁੰਕਤ ਰਾਸ਼ਟਰ ਮਨੁੱਖੀ ਅਧਿਕਾਰਾਂ ਦੀ ਮੁਖੀ ਨਵੀ ਪਿੱਲੇ ਨੂੰ ਇਕ ਵਫਦ ਵਲੋਂ ਸੌਾਪੀ ਜਾਵੇਗੀ।ਪਟੀਸ਼ਨ ਸੌਂਪਣ ਵਾਲੇ ਸੰਭਾਵ ਵਫਦ ਵਿਚ ਗੈਰ-ਸਰਕਾਰੀ ਸੰਗਠਨ ਮੂਵਮੈਂਟ ਅਗੇਂਸਟ ਐਟਰਾਸਿਟੀਜ਼ ਐਾਡ ਰਿਪ੍ਰੈਸ਼ਨ (ਐਮ.ਏ.ਆਰ.), ਸਿੱਖਸ ਫਾਰ ਜਸਟਿਸ, ਆਲ ਇੰਡੀਆ ਸਿਖ ਸਟੂਡੈਂਟਸ ਫੈਡਰੇਸ਼ਨ ਅਤੇ ਯੂਰਪ ਤੇ ਉਤਰੀ ਅਮਰੀਕਾ ਤੋਂ ਸਾਰੇ ਗੁਰਦੁਆਰਿਆਂ ਦੇ ਪ੍ਰਤੀਨਿਧ ਸ਼ਾਮਿਲ ਹੋਣਗੇ।
ਇਸ ਪਟੀਸ਼ਨ ਸੰਬੰਧੀ ਕੀਤੀ ਲਾਮਬੰਦੀ ਤਹਿਤ ਸਿੱਖ ਕਾਰਕੁੰਨ ਵੱਖ-ਵੱਖ ਭਾਈਚਾਰਿਆਂ ਅਤੇ ਸਿਆਸੀ ਸਖਸ਼ੀਅਤਾਂ ਤੱਕ ਪਟੀਸ਼ਨ ਉੱਤੇ ਦਸਤਖਤ ਕਰਨ ਲਈ ਪਹੁੰਚ ਕਰ ਰਹੇ ਹਨ। ਇਸ ਪਟੀਸ਼ਨ ਦਾ ਹਿੰਦੀ, ਚੀਨੀ, ਜਪਾਨੀ, ਅਰਬੀ, ਜਰਮਨ, ਫਰਾਂਸੀਸੀ, ਸਪੈਨਿਸ਼, ਪੁਰਦਗਾਲੀ ਤੇ ਉਰਦੂ ਸਮੇਤ ਅਨੇਕਾਂ ਭਾਸ਼ਾਵਾਂ ਵਿਚ ਤਰਜ਼ਮਾ ਕੀਤਾ ਗਿਆ ਹੈ ਜਿਸ ਦੀਆਂ ਨਕਲਾਂ ਪਟੀਸ਼ਨ ਦੇ ਪ੍ਰਚਾਰ ਲਈ ਉਸਾਰੀ ਗਈ ਵੈਬਸਾਈਟ ਉੱਤੇ ਵੀ ਮਿਲਦੀਆਂ ਹਨ।
ਜਾਣਕਾਰੀ ਅਨੁਸਾਰ ਬੀਤੇ ਦਿਨੀਂ ਪੂਰਬੀ-ਪੱਛਮੀ ਲੀਡਸ ਤੋਂ ਬਰਤਾਨਵੀ ਪਾਰਲੀਮੈਂਟ ਦੇ ਮੈਂਬਰ ਫੈਬਿਅਨ ਹੈਮਿੰਟਨ ਨੇ ਸਿੱਖ ਨਸਕੁਸ਼ੀ ਸੰਬੰਧੀ ਪਾਈ ਜਾ ਰਹੀ ਪਟੀਸ਼ਨ ਦੀ ਹਿਮਾਇਤ ਕਰਦਿਆਂ ਇਸ ਉੱਤੇ ਦਸਤਖ਼ਤ ਕੀਤੇ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ‘1984 ਹਾਂ ਇਹ ਨਸਲਕੁਸ਼ੀ ਹੈ’ ਲਹਿਰ ਤਹਿਤ ਵਿਸ਼ਵ ਦੇ ਸਮੁੱਚੇ ਸਿੱਖ ਭਾਈਚਾਰੇ ਦੀ ਮਦਦ ਨਾਲ ਦਸ ਲੱਖ ਤੋਂ ਵੱਧ ਦਸਤਖਤ ਇਕੱਠੇ ਕੀਤੇ ਗਏ ਹਨ।ਇਸ ਪਟੀਸ਼ਨ ਵਿਚ ਸੰਯੁਕਤ ਰਾਸ਼ਟਰ ਨੂੰ ਬੇਨਤੀ ਕੀਤੀ ਗਈ ਹੈ ਕਿ ਨਵੰਬਰ 1984 ਦੇ ਪਹਿਲੇ ਹਫਤੇ ਦੌਰਾਨ ਸਮੁੱਚੇ ਭਾਰਤ ਵਿਚ ਸਿਖਾਂ ਦੀਆਂ ਜਾਣ-ਬੁੱਝ ਕੇ ਸੋਚੀ ਸਮਝੀ ਸਾਜਿਸ਼ ਤਹਿਤ ਕੀਤੀਆਂ ਹਤਿਆਵਾਂ ਦੀ ਜਾਂਚ ਕਰਵਾਈ ਜਾਵੇ ਤੇ ਇਨ੍ਹਾਂ ਹਤਿਆਵਾਂ ਨੂੰ ਨਸਲਕੁਸ਼ੀ ਬਾਰੇ ਯੂ. ਐਨ. ਕਨਵੈਨਸ਼ਨ ਤਹਿਤ ‘ਨਸਲਕੁਸ਼ੀ’ ਵਜੋਂ ਮਾਨਤਾ ਦਿੱਤੀ ਜਾਵੇ।
ਰੋਜਾਨਾ ਅਜੀਤ ਅਖਬਾਰ ਵਿਚ ਛਪੀ ਇਕ ਖਬਰ ਅਨੁਸਾਰ: ਐਮ. ਏ. ਆਰ. ਦੇ ਬੁਲਾਰੇ ਮਾਸਟਰ ਕਰਨ ਸਿੰਘ ਤੇ ਹਰਮਿੰਦਰ ਸਿੰਘ ਅਨੁਸਾਰ ਨਵੰਬਰ 1 ਨਵੰਬਰ ਨੂੰ ਜਨੇਵਾ ਵਿਚ ਯੂ ਐਨ ਦੇ ਬਾਹਰ ਇਕ ਇਨਸਾਫ ਰੈਲੀ ਕੀਤੀ ਜਾਵੇਗੀ, ਜਿਸ ਰਾਹੀਂ ਵਿਸ਼ਵ ਨੂੰ ਯਾਦ ਕਰਵਾਇਆ ਜਾਵੇਗਾ ਕਿ 29 ਸਾਲ ਬੀਤ ਜਾਣ ਦੇ ਬਾਅਦ ਵੀ ਨਵੰਬਰ 1984 ਸਿੱਖ ਨਸਲਕੁਸ਼ੀ ਦੇ ਕਾਤਲਾਂ, ਦੋਸ਼ੀਆਂ ਨੂੰ ਭਾਰਤ ਸਰਕਾਰ ਵਲੋਂ ਸਜ਼ਾ ਨਹੀਂ ਦਿੱਤੀ ਗਈ ਹੈ। ਜਨੇਵਾ ਵਿਚ ਹੋਣ ਵਾਲੀ ਇਸ ਰੈਲੀ ਵਿਚ ਯੂਰਪ ਤੇ ਉਤਰੀ ਅਮਰੀਕਾ ਤੋਂ 10,000 ਤੋਂ ਵੱਧ ਸਿੱਖਾਂ ਵਲੋਂ ਸ਼ਮੂਲੀਅਤ ਕੀਤੇ ਜਾਣ ਦੀ ਸੰਭਾਵਨਾ ਹੈ।
