ਨਿਊਯਾਰਕ: ਸਿੱਖ ਕੋਅਲੀਸ਼ਨ ਨੇ ਅਮਰੀਕਾ ਭਰ ਵਿੱਚ ਸਿੱਖਾਂ, ਮੁਸਲਮਾਨਾਂ ਅਤੇ ਯਹੂਦੀ ਸਮੂਹਾਂ ਵਿਰੁੱਧ ਹਾਲ ਦੇ ਮਹੀਨਿਆਂ ਵਿੱਚ ਨਫ਼ਰਤੀ ਜ਼ੁਰਮਾਂ ਵਿੱਚ ਵਾਧਾ ਦਰਜ ਕੀਤਾ ਹੈ। ਸਿਰਫ਼ ਪਿਛਲੇ ਮਹੀਨਿਆਂ ਦੌਰਾਨ ਹੀ, ਕਿਊਬਕ ਸ਼ਹਿਰ ਦੀ ਮਸਜਿਦ ਉੱਤੇ ਇੱਕ ਗੋਰੇ ਨਸਲ ਦੀ ਸਰਬ-ਉੱਚਤਾ ਪੱਖੀ ਵਲੋਂ ਹਮਲਾ ਕੀਤਾ ਗਿਆ, ਜਿਸ ਦੇ ਨਤੀਜੇ ਵਜੋਂ ਛੇ ਜਾਨਾਂ ਚਲੀਆਂ ਗਈਆਂ – ਜਿਸ ਨੇ 2012 ਵਿੱਚ ਓਕ ਕਰੀਕ ਵਿੱਚ ਸਿੱਖ ਭਾਈਚਾਰੇ ਵਲੋਂ ਝੱਲੇ ਗਏ ਦੁਖਾਂਤ ਦੀ ਯਾਦ ਤਾਜ਼ਾ ਕਰ ਦਿੱਤੀ।
ਇਹੋ ਜਿਹੇ ਹਾਦਸਿਆਂ ਨੂੰ ਮੁੜ ਵਾਪਰਨ ਤੋਂ ਰੋਕਣ ਲਈ ਸਾਨੂੰ ਸਰਗਰਮ ਕਦਮ ਚੁੱਕਣ ਦੀ ਸਖ਼ਤ ਜ਼ਰੂਰਤ ਹੈ।
ਫੈਡਰਲ ਐਮਰਜੈਂਸੀ ਮੈਨਜੇਮੈਂਟ ਏਜੰਸੀ ਨੇ ਧਰਮ ਸਥਾਨਾਂ ਨੂੰ ਹੰਗਾਮੀ ਹਾਲਤ ਲਈ ਤਿਆਰੀ ਵਾਸਤੇ ਕਈ ਮੁਫ਼ਤ ਸਮੱਗਰੀ ਪ੍ਰਕਾਸ਼ਿਤ ਕੀਤੀ ਹੈ। ਇਸ ਸਮੱਗਰੀ ਵਿਚ ਓਕ ਕਰੀਕ ਅਤੇ ਕਿਊਬਕ ਸ਼ਹਿਰ ਵਰਗੇ ਦੁਖਾਂਤਾਂ ਨੂੰ ਰੋਕਣ ਲਈ ਆਨਲਾਈਨ ਸਿਖਲਾਈ ਕੋਰਸ ਸ਼ਾਮਲ ਹੈ।
ਸਿੱਖ ਕੋਅਲੀਸ਼ਨ ਨੇ ਆਪਣੇ ਪ੍ਰੈਸ ਬਿਆਨ ‘ਚ ਕਿਹਾ ਕਿ ਉਹ ਆਉਣ ਵਾਲੇ ਸਮੇਂ ‘ਚ ਆਪਣੇ ਭਾਈਚਾਰੇ ਨੂੰ ਹੋਰ ਵੀ ਪ੍ਰਭਾਵੀ ਬਣਾਉਣ ਲਈ ਤੁਹਾਡੇ ਵਿਚਾਰਾਂ ਤੇ ਸੁਝਾਆਵਾਂ ਦਾ ਸਵਾਗਤ ਕਰਦੇ ਹਾਂ।
ਹਮੇਸ਼ਾ ਦੀ ਤਰ੍ਹਾਂ ਅਸੀਂ ਸਿੱਖਾਂ ਨੂੰ ਬੇਖ਼ੌਫ਼ ਹੋ ਕੇ ਆਪਣੇ ਧਰਮ ਦੀ ਪਾਲਣਾ ਕਰਨ ਲਈ ਪ੍ਰੇਰਿਤ ਕਰਦੇ ਹਾਂ।
ਇਸ ਖ਼ਬਰ ਨੂੰ ਵਿਸਥਾਰ ਸਹਿਤ ਅੰਗ੍ਰੇਜ਼ੀ ਵਿਚ ਪੜ੍ਹਨ ਲਈ:
USA: Sikh Coalition Issues Advisory on Protection of Gurdwaras …
