ਨਿਊਯਾਰਕ( 8 ਨਵੰਬਰ, 2014): ਅਮਰੀਕਾ ਵਿੱਚ ਸਿੱਖ ਹਿੱਤਾਂ ਲਈ ਕੰਮ ਕਰਦੀ ਸਿੱਖ ਜੱਥੇਬੰਦੀ ਸਿੱਖੳ ਫਾਰ ਜਸਟਿਸ ਦੇ ਕਾਨੂੰਨੀ ਸਲਾਹਕਾਰ ਗੁਰਪਤਵੰਤ ਸਿੰਘ ਪੰਨੂ ਨੇ ਦੱਸਿਆ ਕਿ ਪਹਿਲੀ ਵਾਰੀ 30 ਸਾਲਾਂ ਬਾਅਦ ਸੰਯੁਕਤ ਰਾਸ਼ਟਰ ਨੇ ਨਿਊਯਾਰਕ ਸਥਿਤ ਦਫ਼ਤਰ ਵਿਚ ਯੂ. ਐਨ. ਹਾਈ ਕਮਿਸ਼ਨ ਫਾਰ ਹਿਊਮਨ ਰਾਈਟਸ ਵੱਲੋਂ ਸਿੱਖ ਨਸਲਕੁਸ਼ੀ ਦੇ ਪੀੜਤਾਂ ਨੂੰ ਸਬੂਤ ਪੇਸ਼ ਕਰਨ ਦਾ ਮੌਕਾ ਪ੍ਰਦਾਨ ਕੀਤਾ ਗਿਆ।
ਭਾਰਤ ਵਿੱਚ ਹੋਏ ਸਿੱਖਾਂ ਦੇ ਸਰਕਾਰੀ ਕਤਲੇਆਮ ਅਤੇ ਭਾਰਤੀ ਨਿਆਇਕ ਅਤੇ ਭਾਰਤੀ ਸਟੇਟ ਵੱਲੋਂ ਸਿੱਖਾਂ ਦੇ ਕਾਤਲਾਂ ਨੂੰ ਸਜ਼ਾ ਦੇਣ ਦੀ ਬਜ਼ਾਏ ਕੀਤੀ ਜਾ ਰਹੀ ਪੁਸ਼ਤਪਨਾਹੀ ਖਿਲਾਫ ਉੱਤਰੀ ਅਮਰੀਕਾ ਦੇ ਸੈਂਕੜੇ ਸਿੱਖਾਂ ਨੇ ਯੂ. ਐਨ. ਹੈੱਡਕੁਆਟਰ ਦੇ ਬਾਹਰ ਰੈਲੀ ਕੀਤੀ। ਮਨੁੱਖੀ ਅਧਿਕਾਰੀ ਅਫਸਰ ਮਿਸਟਰ ਸਟੈਨਫਾਨੋ ਸੈਂਸੀ ਨੇ ਓ. ਐਚ. ਸੀ. ਐਚ. ਆਰ. ਵੱਲੋਂ 1984 ਦੇ ਗਵਾਹਾਂ ‘ਤੇ ਆਧਾਰਿਤ ਦਸਤਾਵੇਜ਼ੀ ਸਬੂਤ ਪ੍ਰਾਪਤ ਕੀਤੇ ਗਏ, ਜਿਨ੍ਹਾਂ ਵਿਚ ਕਾਂਗਰਸ ਪਾਰਟੀ ਦੇ ਨੇਤਾਵਾਂ ਦੀ ਸਿੱਖ ਕਤਲੇਆਮ ਕਰਾਉਣ ਵਿਚ ਸ਼ਮੂਲੀਅਤ ਦੇ ਦਸਤਾਵੇਜ਼ ਸਨ।
ਸਿੱਖਸ ਫਾਰ ਜਸਟਿਸ ਨੇ ਨਵੰਬਰ 1984 ਸਿੱਖ ਨਸਲਕੁਸ਼ੀ ਨਾ ਦੀ ਰਿਪੋਰਟ ਯੂ. ਐੱਨ. ੳ ਦੇ ਮਨੁੱਖੀ ਅਧਿਕਾਰ ਮਾਮਲਿਆਂ ਦੇ ਅਫਸਰ ਸੈਂਸੀ ਨੂੰ ਯੂ.ਐੱਨ.ੳ ਦੇ ਜਰਨਲ ਸੈਕਟਰੀ ਬਾਨ ਕੀ ਮੂਨ ਨੂੰ ਸੌਪਣ ਲਈ ਦਿੱਤੀ ਗਈ।ਇਸ ਰਿਪੋਰਟ ਵਿੱਚਭਾਰਤ ਦੇ 19 ਰਾਜਾਂ ਵਿੱਚ ਸਿੱਖਾਂ ਦੇ ਯੋਜਨਾਬੱਧ ਤਾਰੀਕੇ ਨਾਲ ਕੀਤੇ ਗੲੁ ਕਤਲੇਅਸਾਮ, ਸਮੇਂ ਸਮੇਂ ਬਾਦਲਦੀਆਂ ਸਰਕਾਰਾਂ ਵੱਲੋਂ ਅੱਕਾਂ ਪੁੰਝਣ ਲਈ ਕੀਤੀ ਗਈ ਜਾਂਚ, ਦੋਸ਼ੀਆਂ ਵਿੱਚ ਕਿਸੇ ਵੀ ਵਿਅਕਤੀ ਨੂੰ ਸਜ਼ਾ ਨਾ ਦੇਣ ਅਤੇ ਨਵੰਬਰ 194 ਦੇ ਪਹਿਲੇ ਹਫਤੇ ਹਜ਼ਾਰਾਂ ਸਿੱਖਾਂ ਦੇ ਦਿਨ ਦਿਹਾੜੁ ਕੀਤੇ ਗਏ ਕਤਲਾਂ ਨੁੰ ਭਾਰਤੀ ਸੁਪਰੀਮ ਕੋਰਟ ਵੱਲੋਂ ਅੱਖੋ ਪਰੋਖੇ ਕਰਨ ਦੇ ਵਰੇਵੇ ਸ਼ਾਮਲ ਹਨ।
1984 ਸਿੱਖ ਨਸਲਕੁਸ਼ੀ ਸਬੰਧੀ ਸਬੂਤ ਗੁਰਦੀਪ ਕੌਰ ਅਤੇ ਜਸਬੀਰ ਸਿੰਘ, ਜੋ ਕਿ ਨਵੰਬਰ 1984 ਵਿਚ ਬਚ ਗਏ ਸਨ, ਨੇ ਪੇਸ਼ ਕੀਤੇ। ਓ. ਐਚ. ਸੀ. ਐਚ. ਆਰ. ਦੇ ਪ੍ਰਤੀਨਿਧ ਦੇ ਨਾਲ ਦੋ ਘੰਟੇ ਚੱਲੇ ਸੈਸ਼ਨ ਦੌਰਾਨ ਨਸਲਕੁਸ਼ੀ ਦੇ ਬਚ ਗਏ ਗਵਾਹ ਗੁਰਦੀਪ ਕੌਰ ਅਤੇ ਜਸਬੀਰ ਸਿੰਘ ਨੇ ਗਵਾਹੀ ਦਿੱਤੀ ਕਿ ਕਿਵੇਂ ਉਨ੍ਹਾਂ ਨੇ ਕਾਂਗਰਸੀ ਨੇਤਾਵਾਂ ਨੂੰ ਹੱਥਾਂ ਵਿਚ ਵੋਟਰ ਲਿਸਟਾਂ ਨਾਲ ਵੇਖਿਆ ਅਤੇ ਕਿਵੇਂ ਪੁਲਿਸ ਅਤੇ ਦਿੱਲੀ ਪ੍ਰਸ਼ਾਸਨ ਨੇ ਅੱਖਾਂ ਬੰਦ ਰੱਖੀਆਂ, ਜਦੋਂਕਿ ਇੰਦਰਾ ਗਾਂਧੀ ਦੇ ਕਤਲ ਤੋਂ ਬਾਅਦ ਚਿੱਟੇ ਦਿਨ ਸਿੱਖ ਵਿਅਕਤੀਆਂ ਦੀ ਕਤਲੇਆਮ ਹੋ ਰਿਹਾ ਸੀ।
ਇਥੇ ਇਹ ਵੀ ਵਰਨਣਯੋਗ ਹੈ ਕਿ ਜਦੋਂ ਜਸਬੀਰ ਸਿੰਘ ਪਹਿਲੀ ਵਾਰ ਮੀਡੀਆ ‘ਚ ਆਏ ਤਾਂ ਸਭ ਦੱਸਿਆ ਕਿ ਸੀ. ਬੀ. ਆਈ. ਨੇ ਬਿਨਾਂ ਜਸਬੀਰ ਸਿੰਘ ਤੋਂ ਪੁੱਛਿਆਂ ਹੀ ਜਗਦੀਸ਼ ਟਾਈਟਲਰ ਦੇ ਖਿਲਾਫ ਕੇਸ ਬੰਦ ਕਰਵਾਉਣ ਲਈ ਮਾਣਯੋਗ ਅਦਾਲਤ ਨੂੰ ਕਿਹਾ ਸੀ ਙ ਉਸ ਤੋਂ ਬਾਅਦ ਅੱਜ ਸਿੱਖਜ਼ ਫਾਰ ਜਸਟਿਸ ਦਾ ਇਹ ਉਪਰਾਲਾ ਰੰਗ ਲਿਆਇਆ ਹੈ ਕਿ ਹੁਣ ਸੰਯੁਕਤ ਰਾਸ਼ਟਰ ਨੂੰ ਵੀ ਗਵਾਹਾਂ ਨੂੰ ਸੁਣਨਾ ਪਿਆ।
