ਖਬਰਾਂ ਭਾਰਤੀ ਉਪ ਮਹਾਂਦੀਪ ਦੀਆਂ:

• ਐੱਨ ਆਰ ਸੀ ਤੋਂ ਬਾਅਦ ਹੁਣ ਐੱਨ.ਪੀ.ਆਰ. ਉੱਪਰ ਨਵੀਂ ਬਹਿਸ ਛਿੜੀ
• ਸਰਕਾਰ ਵਿਰੋਧੀਆਂ ਦਾ ਦਾਅਵਾ ਕਿ ਐੱਨ.ਪੀ.ਆਰ ਜਨਸੰਖਿਆ ਨਾਲ ਨਹੀਂ ਬਲਕਿ ਐਨ.ਆਰ.ਸੀ ਭਾਵ ਨਾਗਰਿਕਤਾ ਰਜਿਸਟਰ ਦੇ ਨਾਲ ਜੁੜਦੀ ਹੈ

• ਪ੍ਰਸਿੱਧ ਲੇਖਿਕਾ ਅਰੁੰਧਤੀ ਰਾਏ ਨੇ ਦਾਅਵਾ ਕੀਤਾ ਕਿ ਐੱਨ.ਪੀ.ਆਰ ਹੀ ਐੱਨ.ਆਰ.ਸੀ ਦਾ ਅਧਾਰ ਬਣੇਗਾ
• ਅਰੁੰਧਤੀ ਰਾਏ ਨੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਜਦੋਂ ਐੱਨ ਪੀ ਆਰ ਵਾਲੇ ਆਉਣ ਤਾਂ ਸਭ ਲੋਕ ਆਪਣਾ ਨਾਮ ਪਤਾ ਗਲਤ ਲਿਖਾਉਣ

• ਪੱਛਮੀ ਉੱਤਰ ਪ੍ਰਦੇਸ਼ ਵਿੱਚ ਪੁਲਿਸ ਦੇ ਡਰ ਨਾਲ ਖਾਮੋਸ਼ ਹੋਏ ਲੋਕ
• ਵਿਖਾਵਿਆਂ ਦੌਰਾਨ ਖਾਸ ਕਰਕੇ ਮੁਜ਼ੱਫਰਨਗਰ ਦੇ ਮੁਸਲਮਾਨਾਂ ਨੂੰ ਪੁਲਿਸ ਅਤੇ ਪ੍ਰਸ਼ਾਸਨ ਨੇ ਨਿਸ਼ਾਨਾ ਬਣਾਇਆ ਸੀ
• ਪੁਲਿਸ ਨੇ ਮੁਸਲਿਮ ਬਸਤੀਆਂ ਵਿੱਚ ਵੜ ਕੇ ਕਈ ਘਰ ਤੋੜ ਦਿੱਤੇ ਸਨ ਅਤੇ ਸੜਕਾਂ ਤੇ ਖੜ੍ਹੀਆਂ ਗੱਡੀਆਂ ਦੀ ਵੀ ਭੰਨ ਤੋੜ ਕੀਤੀ ਸੀ
• ਹੁਣ ਪੁਲਿਸ ਨੇ ਮੁਜ਼ੱਫ਼ਰਨਗਰ ਸ਼ਹਿਰ ਦੇ ਮੁੱਖ ਸੜਕ ਉੱਪਰ ਕੇਵਲ ਮੁਸਲਮਾਨਾਂ ਦੀਆਂ 52 ਦੁਕਾਨਾਂ ਕਰਨਾ ਸੀਲ ਕਰ ਦਿੱਤੀਆਂ ਹਨ

• ਮੋਹਨ ਭਾਗਵਤ ਨੇ ਕਿਹਾ ਕਿ ਭਾਰਤ ਵਿੱਚ ਰਹਿਣ ਵਾਲਾ ਹਰ ਵਿਆਕਤੀ ਹੀ ਹਿੰਦੂ ਹੈ ਅਤੇ ਸਭ ਨੂੰ ਭਾਰਤ ਮਾਤਾ ਦੀ ਪੂਜਾ ਕਰਨੀ ਚਾਹੀਦੀ ਹੈ

• ਨਾਗਰਿਕਤਾ ਸੋਧ ਕਾਨੂੰਨ ਦੇ ਵਿਰੋਧ ਵਿੱਚ ਮੱਧ ਪ੍ਰਦੇਸ਼ ਕਾਂਗਰਸ ਨੇ ਕੱਢੀ ਰੈਲੀ
• ਮੁੰਬਈ ਵਿੱਚ ਭਾਜਪਾ ਨੇ ਨਾਗਰਿਕਤਾ ਸੋਧ ਕਾਨੂੰਨ ਦੇ ਹੱਕ ਵਿੱਚ ਰੈਲੀ ਕੱਢੀ

• ਭਾਰਤ ਦੀ ਨਰਿੰਦਰ ਮੋਦੀ ਸਰਕਾਰ ਦੇ ਸਾਬਕਾ ਮੁੱਖ ਆਰਥਿਕ ਸਲਾਹਕਾਰ ਅਰਵਿੰਦ ਸੁਬਰਮਨੀਅਮ ਨੇ ਕਿਹਾ ਕਿ ਅਰਥ ਵਿਵਸਥਾ ਵਿਚਲੀ ਸੁਸਤੀ ਨੂੰ ਮਾਮੂਲੀ ਨਾ ਮੰਨਿਆ ਜਾਵੇ

ਖਬਰਾਂ ਪੰਜਾਬ ਤੋਂ:

• ਸ੍ਰੀ ਅੰਮ੍ਰਿਤਸਰ ਸਾਹਿਬ ਤੋਂ ਡੇਰਾ ਬਾਬਾ ਨਾਨਕ ਲਾਂਘੇ ਤੱਕ ਮੁਫਤ ਬੱਸ ਸੇਵਾ ਸ਼ੁਰੂ ਕਰੇਗੀ ਸ਼੍ਰੋਮਣੀ ਕਮੇਟੀ
• ਇਹ ਖਾਸ ਸੇਵਾ ਕਰਤਾਰਪੁਰ ਸਾਹਿਬ ਜਾਣ ਵਾਲੀਆਂ ਸੰਗਤਾਂ ਲਈ ਲਾਹੇਵੰਦ ਹੋਵੇਗੀ

• ਮੰਗੂ ਮੱਠ ਮਾਮਲੇ ਵਿਚ ਸਿੱਖ ਧਿਰਾਂ ਆਪਸ ਵਿਚ ਉਲਝੀਆਂ
• ਸ਼੍ਰੋ.ਗੁ.ਪ੍ਰ.ਕ. ਦੇ ਬਿਆਨ ਦੇ ਪ੍ਰਤੀਕਰਮ ‘ਚ ਬੈਂਸ ਭਰਾਵਾਂ ਨੇ ਸ਼੍ਰੋ.ਗੁ.ਪ੍ਰ.ਕ. ਨੂੰ ਸਵਾਲ ਕੀਤੇ
• ਸ਼੍ਰੋ.ਗੁ.ਪ੍ਰ.ਕ. ਨੇ ਕਿਹਾ ਸੀ ਕਿ ਬੈਂਸ ਭਰਾ ਸਿੱਖਾਂ ਨੂੰ ਗੁਮਰਾਹ ਕਰ ਰਹੇ ਹਨ, ਮਾਮਲਾ ਪਹਿਲਾਂ ਹੀ ਹੱਲ ਹੋ ਗਿਆ ਸੀ
• ਬੈਂਸ ਭਰਾਵਾਂ ਨੇ ਕਿਹਾ ਕਿ ਜੇ ਮਾਮਲਾ ਪਹਿਲਾਂ ਹੱਲ ਹੋ ਗਿਆ ਸੀ ਤਾਂ ਗੱਲ ਲੁਕਾਈ ਕਿਉਂ ਗਈ ਸੀ?
• ਉਨ੍ਹਾਂ ਕਿਹਾ ਕਿ ਸ਼੍ਰੋ.ਗੁ.ਪ੍ਰ.ਕ. ਤੱਥ ਲੁਕਾ ਰਹੀ ਹੈ

ਅੰਤਰਰਾਸ਼ਟਰੀ:

• ਪਾਕਿਸਤਾਨ ਨੂੰ ਅਮਰੀਕਾ ਨੇ ਇੱਕ ਵਾਰ ਫਿਰ ਧਾਰਮਿਕ ਸੁਤੰਤਰਤਾ ਦੇ ਮਾਮਲੇ ਵਿੱਚ ਕਾਲੀ ਸੂਚੀ ਵਿੱਚ ਪਾਇਆ
• ਅਮਰੀਕਾ ਵੱਲੋਂ ਪਾਕਿਸਤਾਨ ਨੂੰ ਲਗਾਤਾਰ ਦੂਸਰੇ ਸਾਲ ਇਸ ਸੂਚੀ ਵਿਚ ਰੱਖਿਆ ਗਿਆ ਹੈ
• ਪਾਕਿਸਤਾਨ ਨੇ ਇਸ ਉੱਪਰ ਸਖ਼ਤ ਇਤਰਾਜ਼ ਜਤਾਉਂਦੇ ਹੋਏ ਕਿਹਾ ਕਿ ਇਹ ਫੈਸਲਾ ਪੱਖਪਾਤੀ ਹੈ ਅਤੇ ਜ਼ਮੀਨੀ ਹਕੀਕਤ ਨਾਲ ਮੇਲ ਲਈ ਖਾਂਦਾ
• ਉਨ੍ਹਾਂ ਕਿਹਾ ਕਿ ਭਾਰਤ ਵਿੱਚ ਘੱਟ ਗਿਣਤੀਆਂ ਨੂੰ ਲਗਾਤਾਰ ਨਿਸ਼ਾਨਾ ਬਣਾਇਆ ਜਾ ਰਿਹਾ ਹੈ ਪਰ ਫਿਰ ਵੀ ਅਮਰੀਕਾ ਨੇ ਇਸ ਸੂਚੀ ਵਿੱਚ ਭਾਰਤ ਨੂੰ ਨਹੀਂ ਰੱਖਿਆ

• ਬੋਧੀ ਅਧਿਆਤਮਕ ਆਗੂ ਦਲਾਈਲਾਮਾ ਨੇ ਕਿਹਾ ਕਿ ਚੀਨ ਦੀ ਕਮਿਊਨਿਸਟ ਸਰਕਾਰ ਖ਼ਿਲਾਫ ਆਪਣੀ ਲੜਾਈ ਜਾਰੀ ਰੱਖਾਂਗੇ
• ਉਹਨਾਂ ਕਿਹਾ ਚੀਨੀ ਸ਼ਾਸਨ ਬੰਦੂਕ ਦੇ ਜ਼ੋਰ ਨਾਲ ਚਲ ਰਿਹਾ ਹੈ ਜਿਸਦਾ ਤਿੱਬਤ ਦੇ ਬੋਧੀ ਸਚਾਈ ਦੇ ਜ਼ੋਰ ਨਾਲ ਵਿਰੋਧ ਕਰ ਰਹੇ ਹਨ
• ਉਹਨਾਂ ਕਿਹਾ ਕਿ ਤਿੰਨ ਸਾਲ ਪਹਿਲਾਂ ਹੋਏ ਸਰਵੇਖਣਾਂ ਤੋਂ ਪਤਾ ਚਲਦਾ ਹੈ ਕਿ ਚੀਨ ਵਿੱਚ ਤਿੱਬਤੀ ਬੋਧੀਆਂ ਦੀ ਗਿਣਤੀ ਵਿੱਚ ਵਾਧਾ ਹੋਇਆ ਹੈ

ਉਕਤ ਲਿਖਤ/ ਖਬਰ ਬਾਰੇ ਆਪਣੇ ਵਿਚਾਰ ਸਾਂਝੇ ਕਰੋ: