ਉੜਾਪੜ/ਲਸਾੜਾ (16 ਅਪ੍ਰੈਲ, 2015): ਆਮ ਆਦਮੀ ਪਾਰਟੀ ਵੱਲੌਂ ਸ਼ਹੀਦ ਭਗਤ ਸਿੰਘ ਦੇ ਸ਼ਹੀਦੀ ਦਿਹਾੜੇ ‘ਤੇ 23 ਮਾਰਚ ਨੂੰ ਪੰਜਾਬ ਨੂੰ ਨਸ਼ਾ ਮੁਕਤ ਕਰਨ ਲਈ ਜੋਸ਼ ਜਨ ਅੰਦੋਲਨ ਨੂੰ ਸ਼ੁਰੂ ਕਰਨ ਦਾ ਐਲਾਨ ਕੀਤਾ ਸੀ । ਉਸ ਦੀ ਸ਼ੁਰੂਆਤ ਲਈ ਆਪ ਵੱਲੋਂ ਪੰਜਾਬ ਦੇ ਜ਼ਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਨੂੰ ਚੁਣਿਆ ਹੈ । ਜਿਸ ਤਹਿਤ ਜ਼ਿਲੇ੍ਹ ਦੇ ਪਿੰਡ ਚੱਕਦਾਨਾ ਵਿਖੇ 18 ਅਪ੍ਰੈਲ ਨੂੰ ਰਾਜ ਪੱਧਰੀ ਕਾਨਫ਼ਰੰਸ ਕਰਨ ਦਾ ਫ਼ੈਸਲਾ ਕੀਤਾ ਹੈ ।
‘ਪੰਜਾਬ ਅਗੇਂਸਟ ਡਰੱਗ’ ਦੇ ਪ੍ਰਦੇਸ਼ ਕਨਵੀਨਰ ਹੰਮਾਸ਼ੂ ਪਾਠਕ ਅਤੇ ਹੋਰ ਪ੍ਰਦੇਸ਼ਿਕ ਆਗੂਆਂ ਵੱਲੋਂ ਪਿੰਡ ਚੱਕਦਾਨਾ ਵਿਖੇ ਪ੍ਰੈਸ ਕਾਨਫ਼ਰੰਸ ਨੂੰ ਸੰਬੋਧਨ ਕਰਦਿਆਂ ਦੱਸਿਆ ਕਿ ਪੰਜਾਬ ਨੂੰ ਨਸ਼ਾ ਮੁਕਤ ਕਰਨ ਲਈ, ਨਾਰਕੋ ਪੋਲੇਟਿਕਸ ਨੂੰ ਖ਼ਤਮ ਕਰਨ, ਰੇਤ, ਬਜਰੀ, ਟਰਾਂਸਪੋਰਟ ਮਾਫ਼ੀਏ ਤੋਂ ਪੰਜਾਬ ਦੇ ਲੋਕਾਂ ਨਿਜਾਤ ਦਿਵਾਉਣ ਲਈ 18 ਅਪ੍ਰੈਲ ਨੂੰ ਸਵੇਰੇ 11 ਵਜੇ ਮੋਰਲੈਂਡ ਪੈਲੇਸ ਵਿਖੇ ਸੰਸਦ ਮੈਂਬਰ ਹਰਿੰਦਰ ਸਿੰਘ ਨਾਰਵੇ, ਭਗਵੰਤ ਮਾਨ, ਅਨੁਸ਼ਾਸਨੀ ਕਮੇਟੀ ਦੇ ਚੇਅਰਮੈਨ ਡਾ. ਦਲਜੀਤ ਸਿੰਘ, ਜ਼ਾਮਨੀ ਗੋਮਰੇ, ਹਿੰਮਤ ਸਿੰਘ ਸ਼ੇਰਗਿੱਲ ਸਮੇਤ ਪੰਜਾਬ ਦੀ ‘ਆਪ’ ਦੀ ਸਮੁੱਚੀ ਲੀਡਰਸ਼ਿਪ ਪਹੁੰਚ ਕੇ ਇਸ ਜਨ ਅੰਦੋਲਨ ਦੀ ਸ਼ੁਰੂਆਤ ਕਰੇਗੀ ।
ਇਸ ਮੌਕੇ ਪੰਜਾਬ ਕਮੇਟੀ ਦੇ ਮੈਂਬਰ ਲੇਖਰਾਜ ਨਈਅਰ, ਪ੍ਰਭ ਰਾਏ, ਜਗਦੀਪ ਸੰਧੂ, ਗੁਰਚਰਨ ਸਿੰਘ ਨਾਰਵੇ, ਸ਼ਿੰਗਾਰਾ ਸਿੰਘ, ਮਾ. ਗੁਰਚਰਨ ਸਿੰਘ ਬਸਿਆਲਾ, ਡਾ. ਮਨਜੀਤ ਸਿੰਘ, ਅਸ਼ਵਨੀ ਕੁਮਾਰ ਜੋਸ਼ੀ, ਰਣਜੀਤ ਸਿੰਘ ਚੱਕਦਾਨਾ, ਸੁਖਪ੍ਰੀਤ ਸਿੰਘ ਅੱਪਰਾ, ਹਰਚਰਨ ਸਿੰਘ, ਲਸਾੜਾ ਆਦਿ ਵੀ ਹਾਜ਼ਰ ਸਨ ।
