ਚੰਡੀਗੜ੍ਹ ( 22 ਮਈ 2014):- ਪੰਜਾਬ ਦੇ ਜੇਲ੍ਹ ਮੰਤਰੀ ਸਰਵਨ ਸਿੰਘ ਫਿਲੌਰ ਵੱਲੋਂ ਪਿਛਲੇ ਦਿਨੀਂ ਉਨ੍ਹਾਂ ਦੇ ਪੁੱਤਰ 
ਦਮਨਜੀਤ ਸਿੰਘ ਫਿਲੌਰ ਦਾ ਡਰੱਗ ਵਪਾਰ ਦੇ ਮਾਮਲੇ ਵਿੱਚ ਨਾਅ ਅਉਣ ਕਾਰਣ ਪ੍ਰਕਾਸ਼ ਸਿੰਘ ਬਾਦਲ ਵਜਾਰਤ ਤੋਂ ਅਸਤੀਫਾ ਦੇ ਦਿੱਤਾ ਹੈ। ਜੇਲ੍ਹ ਮੰਤਰੀ ਦੇ ਪੁੱਤਰ ਉੱਤੇ ਦੋਸ਼ ਭੋਲੇ ਦੇ ਬਿਆਨ ਵਿੱਚ ਜੇਲ੍ਹ ਮੰਤਰੀ ਸਰਵਨ ਸਿੰਘ ਫਿਲੌਰ ਦੇ ਬੇਟੇ ਦਮਨਜੀਤ ਸਿੰਘ ਫਿਲੌਰ ਦਾ ਨਾਮ ਲਿਆ ਹੈ।
ਵੱਖ- ਵੱਖ ਅਖਬਾਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਭੋਲੇ ਨੇ ਦੱਸਿਆ ਸੀ ਕਿ ਸਿਊਡੋ ਐਫਡਰੀਨ ਦੇ ਨਾਲ ਫੜੇ ਗਏ ਪਟਿਆਲਾ ਜੇਲ੍ਹ ਵਿੱਚ ਬੰਦ ਮੂਲ ਰੂਪ ਵਿੱਚ ਦਿੱਲੀ ਦੇ ਰਹਿਣ ਵਾਲੇ ਵਰਿੰਦਰ ਉਰਫ ਰਾਜਾ ਨਾਲ ਦਮਨਵੀਰ ਦੇ ਗਹਿਰੇ ਰਿਸ਼ਤੇ ਹਨ। ਰਾਜਾ ਹਿਮਾਚਲ ਪ੍ਰਦੇਸ਼ ਵਿੱਚ ਦਵਾਈਆਂ ਦੀ ਫੈਕਟਰੀ ਚਲਾਉਣ ਵਾਲੇ ਜਲੰਧਰ ਦੇ ਗੋਰਾਇਆਂ ਕਸਬੇ ਦੇ ਚੁੰਨੀ ਲਾਲ ਗਾਬਾ ਤੋਂ ਐਫਡਰੀਨ ਲੈ ਕੇ ਕੈਨੇਡਾ ਭੇਜਦਾ ਸੀ। ਦਮਨਜੀਤ ਨੇ ਰਾਜਾ ਨੂੰ ਸਮਗਲਿੰਗ ਦੇ ਲਈ ਗਾਬਾ ਨਾਲ ਮਿਲਵਾਇਆ ਸੀ।
ਇਥੇ ਦੱਸਣਾ ਬਣਦਾ ਹੈ ਕਿ ਭਾਵੇਂ ਫਿਲੌਰ ਕਹਿ ਰਹੇ ਹਨ ਕਿ ਉਹ ਨੈਤਿਕਤਾ ਦੇ ਅਧਾਰ ਤੇ ਅਸਤੀਫਾ ਦੇ ਰਹੇ ਹਨ ਪਰ ਸੂਤਰਾਂ ਅਨੁਸਾਰ ਨਸ਼ਿਆਂ ਕਾਰਨ ਸਰਕਾਰ ਚੋਣਾਂ ਚ ਹੋਏ ਨੁਕਸਾਨ ਤੇ ਨਮੋਸ਼ੀ ਤੋਂ ਵੀ ਮੁੱਖ ਮੰਤਰੀ ਬਾਦਲ ਕਾਫੀ ਖਫਾ ਹਨ। ਅਕਾਲੀ ਦਲ ਵਲੋਂ ਵੀ ਪੰਜਾਬ ਚ ਖੜਾਏ ਆਪਣੇ 10 ਉਮੀਦਵਾਰਾਂ ਚੋਂ 6 ਦੇ ਹਾਰਨ ਕਾਰਨ ਕਾਫੀ ਸਵੈ ਪੜਚੋਲ ਕੀਤੀ ਜਾ ਰਹੀ ਹੈ ਤੇ ਨਸ਼ਿਆਂ ਦੇ ਮਾਮਲੇ ਨੂੰ ਕਾਫੀ ਗੰਭੀਰਤਾ ਨਾਲ ਲਿਆ ਜਾ ਰਿਹਾ ਹੈ।
ਦਿਲਚਸਪ ਗੱਲ ਇਹ ਹੈ ਕਿ ਇਨਫੋਰਸਮੈਂਟ ਡਾਇਰੈਕਟੋਰੇਟ ਵੱਲੋਂ ਕੀਤੀ ਜਾ ਰਹੀ ਇਸ ਜਾਂਚ ਸਬੰਧੀ ਇਹ ਵੀ ਚਰਚਾ ਹੈ ਕਿ ਜਾਂਚ ਦੌਰਾਨ ਰਾਜ ਦੇ ਦੋ ਹੋਰ ਕੈਬਨਿਟ ਮੰਤਰੀਆਂ ਦੇ ਨਾਂਅ ਵੀ ਸਾਹਮਣੇ ਆਏ ਹਨ, ਪ੍ਰੰਤੂ ਡਾਇਰੈਕਟੋਰੇਟ ਵੱਲੋਂ ਉਨ੍ਹਾਂ ਨੂੰ ਹੁਣ ਤੱਕ ਜਾਂਚ ਵਿਚ ਸ਼ਾਮਿਲ ਹੋਣ ਲਈ ਸੱਦਿਆ ਨਹੀਂ ਗਿਆ ਙ
