ਚੰਡੀਗੜ੍ਹ: ਆਮ ਆਦਮੀ ਪਾਰਟੀ ਵਲੋਂ ਸ਼ੁੱਕਰਵਾਰ ਨੂੰ ਬੋਹਾ ਹਲਕੇ ਤੋਂ ਆਪਣਾ ਉਮੀਦਵਾਰ ਬਦਲਣ ਤੋਂ ਇਕ ਦਿਨ ਬਾਅਦ ਹੁਣ ਧਰਮਕੋਟ ਹਲਕੇ ਤੋਂ ਵੀ ਆਪਣਾ ਉਮੀਦਵਾਰ ਬਦਲਿਆ ਗਿਆ ਹੈ। ਪਹਿਲਾਂ ਧਰਮਕੋਟ ਤੋਂ ਰਣਜੋਧ ਸਿੰਘ ਸਰਾਂ ਨੂੰ ਟਿਕਟ ਦਿੱਤੀ ਗਈ ਸੀ ਜੋ ਕਿ ਬਦਲ ਕੇ ਹੁਣ ਦਲਜੀਤ ਸਿੰਘ ਸਦਰਪੁਰ ਨੂੰ ਦਿੱਤੀ ਗਈ ਹੈ।
‘ਆਪ’ ਦੇ ਬੁਲਾਰੇ ਨੇ ਕਿਹਾ ਕਿ ਟਿਕਟ ਮਿਲਣ ਵਾਲੇ ਉਮੀਦਵਾਰਾਂ ਨੂੰ ਪਹਿਲਾਂ ਹੀ ਦੱਸਿਆ ਗਿਆ ਸੀ ਕਿ ਪਾਰਟੀ ਟਿਕਟ ਬਦਲ ਸਕਦੀ ਹੈ। ਦਲਜੀਤ ਸਿੰਘ ਸਦਰਪੁਰ (42) ਅਗਾਂਹਵਧੂ ਕਿਸਾਨ ਹਨ ਅਤੇ ‘ਆਪ’ ਦੇ ਪੇਂਡੂ ਵਿਕਾਸ ਅਤੇ ਪੰਚਾਇਤ ਵਿੰਗ ਦੇ ਮੈਂਬਰ ਵੀ ਹਨ। ‘ਆਪ’ ਦੀ ਰਾਜਨੀਤਕ ਮਾਮਲਿਆਂ ਦੀ ਕਮੇਟੀ (Political Affairs Committee) ਨੇ ਇਸਦੀ ਤਸਦੀਕ ਕੀਤੀ ਹੈ।
ਇਸ ਖ਼ਬਰ ਨੂੰ ਵਿਸਥਾਰ ਸਹਿਤ ਅੰਗ੍ਰੇਜ਼ੀ ਵਿਚ ਪੜ੍ਹਨ ਲਈ:
After Boha, AAP replaces Dharamkot Candidate for Punjab Polls 2017 …
