ਚੰਡੀਗੜ੍ਹ ( 9 ਅਪ੍ਰੈਲ, 2015): ਸਿੱਖ ਧਰਮ ਦੇ ਬਾਨੀ ਗੁਰੂ ਨਾਨਕ ਸਾਹਿਬ ਜੀ ਦੇ ਜੀਵਨ ‘ਤੇ ਹਰਿੰਦਰ ਸਿੱਕਾ ਵੱਲੋਂ ਬਣਾਈ ਫਿਲਮ ‘ਨਾਨਕ ਸ਼ਾਹ ਫਕੀਰ” ਇਨੀ ਦਿਨੀ ਪੰਥਕ ਹਲਕਿਆਂ ਵਿੱਚ ਪੁਰੀ ਚਰਚਾ ਵਿੱਚ ਹੈ। ਇਸ ਫਿਲਮ ਵਿੱਚ ਫਿਲਮ ਨਿਰਮਾਤਾ ਨੇ ਸਾਹਿਬ ਸ਼੍ਰੀ ਗੁਰੂ ਨਾਨਕ ਸਾਹਿਬ ਜੀ ਨੂਮ ਫਿਲਮ ਵਿੱਚ ਦ੍ਰਿਸ਼ ਮਾਨ ਕਰਦਿਆਂ ਹੋਇਆ, ਗੁਰੂ ਨਾਨਕਸਾਹਿਬ ਦੇ ਉਮਰ ਭਰ ਦੇ ਸਾਥੀ ਭਾਈ ਮਰਦਾਨ ਅਤੇ ਉਨ੍ਹਾਂ ਦੀ ਭੈਣ ਬੇਬੇ ਨਾਨਕੀ ਜੀ ਨੂੰ ਮਨੁੱਖੀ ਪਾਤਰਾਂ ਦੁਆਰਾ ਦ੍ਰਿਸ਼ਮਾਨ ਕੀਤਾ ਗਿਆ। ਜਿਸ ਕਰਕੇ ਸਿੱਖ ਕੌਮ ਵਿੱਚ ਬੇਹੱਗ ਨਾਰਜ਼ਗੀ ਪੈਦਾ ਹੋ ਰਹੀ ਹੈ।
ਸਿੱਖ ਸਿਆਸਤ ਵੱਲੋਂ ਇਸ ਮਸਲੇ ‘ਤੇ ਸਿੱਖ ਵਿਦਵਾਨਾਂ ਨਾਲ ਲਗਾਤਾਰ ਵਿਚਾਰ ਚਰਚਾ ਕਤਿੀ ਜਾ ਰਹੀ ਹੈ ਤਾਂ ਕਿ ਇਸ ਪ੍ਰਤੀ ਸਿੱਖ ਕੌਮ ਨੂੰ ਜਾਗਰ੍ਹਕ ਕੀਤਾ ਜਾ ਰਿਹਾ ਹੈ।
ਨਾਨਕਸ਼ਾਹ ਫਕੀਰ ਦੇ ਨਿਰਮਾਤਾ ਨੇ ਕਿਹਾ ਕਿ ਉਨ੍ਹਾਂ ਨੇ ਫਿਲਮ ਨੇਕ-ਨੀਤੀ ਨਾਲ ਧਰਮ ਪ੍ਰਚਾਰ ਨੂੰ ਮੁੱਖ ਰੱਖ ਕੇ ਬਣਾਈ ਗਈ ਹੈ,. ਇਸ ਸਬੰਧੀ ਸ੍ਰ. ਅਜਮੇਰ ਸਿੰਘ ਗੱਲ ਕਰਦਿਆਂ ਕਿਹਾ ਕਿ ਨਾਨਕ ਸ਼ਾਹ ਫਕੀਰ ਫਿਲਮ ਦੇ ਕਰਤਿਆਂ ਦੀ ਇਹ ਦਲੀਲ ਕੋਈ ਅਰਥ ਨਹੀਂ ਰੱਖਦੀ ਕਿ ਉਨ੍ਹਾਂ ਦੀ ਭਾਵਨਾ ਸਾਫ ਹੈ … ਸਿਧਾਂਤ ਨਾਲ ਕੀਤਾ ਗਿਆ ਖਿਲਵਾੜ ਇਕੋ ਜਿੰਨਾ ਹੀ ਘਾਤਕ ਹੈ ਭਾਵੇਂ ਉਹ ਸਾਫ ਭਾਵਨਾ ਵਿਚ ਕੀਤਾ ਗਿਆ ਹੋਵੇ ਤੇ ਭਾਵੇਂ ਮਾੜੀ ਭਾਵਨਾ ਤਹਿਤ। ਉਂਝ ਇਸ ਮਾਮਲੇ ਵਿਚ ਭਾਵਨਾ ਦਾ “ਸਾਫ-ਪਨ” ਵੀ ਗੰਭੀਰ ਸਵਾਲਾਂ ਦੇ ਘੇਰੇ ਵਿਚ ਹੈ।
ਉਨ੍ਹਾਂ ਕਿਹਾ ਕਿ ਬਨਿਆਦੀ ਸਵਾਲ ਹੈ ਕਿ ਜਦੋਂ ਕਿਸੇ ਚਿੱਤਰਕਾਰ ਨੇ ਗੁਰੂ ਬਾਰੇ ਚਿਤਰ ਬਣਾਉਣ ਹੈ, ਜੀਵਨੀਕਾਰ ਨੇ ਜੀਵਨੀ ਲਿਖਣੀ ਹੈ, ਕਿਸੇ ਫਿਲਮਕਾਰ ਨੇ ਫਿਲਮ ਬਣਾੁੳਣੀ ਹੈ ਤਾਂ ਸਭ ਤੋਂ ਪਹਿਲੀ ਗੱਲ ਹੈ ਕਿ ਉਸਦੀ ਗਰੂ ਬਾਰੇ ਸਮਝ ਕੀ ਹੈ ।ਸਾਡੇ ਬਾਰੇ ਜੋ ਬਨਿਆਦੀ ਸਵਾਲ ਹੈ ਉਹ ਹੈ ਕਿ ਗੁਰੂ ਕੀ ਹੈ ਜੋ ਇਨ੍ਹਾਂ ਨੇ ਫਿਲਮ ਵਿੱਚ ਵਿਖਾਇਆ ਹੈ।
