ਨਵੀ ਦਿੱਲੀ (30 ਜਨਵਰੀ, 2015 ): ਦਿੱਲ਼ੀ ਦੀ ਤਿਹਾੜ ਜੇਲ ‘ਚ ਬੰਦ ਭਾਈ ਜਗਤਾਰ ਸਿੰਘ ਹਵਾਰਾ ਪਿਛਲੇ 4 ਮਹੀਨੇਆਂ ਤੋਂ ਰੀੜ੍ਹ ਦੀ ਹੱਡੀ ਵਿਚ ਦਰਦ ਤੋਂ ਪੀੜਤ ਹੈ, ਤੇ ਅਦਾਲਤ ਵਲੋਂ ਆਦੇਸ਼ ਦੇਣ ਤੇ ਭਾਈ ਹਵਾਰਾ ਦੀ ਐੈਮ ਆਰ ਆਈ ਕਰਵਾਈ ਗਈ ਸੀ ਤੇ ਜੇਲ੍ਹ ਦੇ ਡਾਕਟਰਾਂ ਨੇ ਵੀ ਭਾਈ ਹਵਾਰਾ ਨੂੰ ਪਿਛਲੇ ਲੰਮੇ ਸਮੇਂ ਤੋਂ ਜੇਲ੍ਹ ਅੰਦਰ ਹਸਪਤਾਲ ਵਿਚ ਰਖਿਆ ਹੋਇਆ ਸੀ ।
![Bhai Jagtar Singh Hawara [ File Photo ]](https://sikhsiyasatnews.info/wp-content/uploads/Jagtar-Singh-Hawara-e1413640991582.jpg)
ਸਰਕਾਰੀ ਏਜੰਸੀਆਂ ਵਲੋਂ ਸਟੇਟਸ ਰਿਪੋਰਟ ਅਦਾਲਤ ਵਿਚ ਦਾਖਿਲ ਨਾ ਕਰਨ ਕਰਕੇ ਅਜ ਵੀ ਭਾਈ ਹਵਾਰਾ ਨੂੰ ਬੇੜੀਆਂ ਵਿਚ ਜਕੜ ਕੇ ਪੇਸ਼ ਕੀਤਾ ਗਿਆ ਸੀ ਤੇ ਦੋ ਪੁਲਿਸ ਵਾਲੇ ਆਪ ਸਹਾਰਾ ਦੇ ਕੇ ਭਾਈ ਹਵਾਰਾ ਨੂੰ ਅਦਾਲਤ ਦੀਆਂ ਪੌੜੀਆਂ ਚੜ੍ਹਨ ਵਿਚ ਮਦਦ ਕਰ ਰਹੇ ਸੀ
ਦਿੱਲੀ ਦੀ ਇਕ ਅਦਾਲਤ ਵਿਚ ਅਜ ਪੁਲਿਸ ਅਤੇ ਰਿਜਰਵ ਪੁਲਿਸ ਫੋਰਸ ਦੀ ਸਖਤ ਸੁਰਖਿਆ ਹੇਠ ਬੱਬਰ ਖਾਲਸਾ ਇੰਟਰਨੈਸ਼ਨਲ ਦੇ ਖਾੜਕੂ ਭਾਈ ਜਗਤਾਰ ਸਿੰਘ ਹਵਾਰਾ ਨੂੰ ਐਫ ਆਈ ਆਰ ਨੰ. 229/05 ਅਲੀਪੁਰ ਥਾਣਾ ਧਾਰਾ 120 ਬੀ, 121 ਅਤੇ 307 ਅਧੀਨ ਸਮੇˆ ਤੋਂ ਤਕਰੀਬਨ ਤਿੰਨ ਘੰਟੇ ਦੀ ਦੇਰੀ ਨਾਲ ਜੱਜ ਰੀਤਿਸ਼ ਸਿੰਘ ਦੀ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ ।
ਦਿੱਲੀ ਦੇ ਕੇਸ ਵਿਚ ਇਸ ਵਕਤ ਗਵਾਹੀਆਂ ਚਲ ਰਹੀਆਂ ਹਨ ਤੇ ਅਜ ਅਦਾਲਤ ਵਿਚ ਕੋਈ ਵੀ ਸਰਕਾਰੀ ਗਵਾਹ ਹਾਜਿਰ ਨਾ ਹੋਣ ਕਰਕੇ ਮਾਮਲੇ ਵਿਚ ਕਿਸੇ ਕਿਸਮ ਦੀ ਕਾਰਵਾਈ ਨਹੀ ਹੋ ਸਕੀ ਜਿਸ ਕਰਕੇ ਮਾਮਲੇ ਦੀ ਅਗਲੀ ਸੁਣਵਾਈ 21 ਅਤੇ 23 ਫਰਵਰੀ ਨੂੰ ਹੋਵੇਗੀ ।
ਹਾਲਾਤ ਦੇਖ ਕੇ ਇਹੋ ਲਗ ਰਿਹਾ ਸੀ ਕਿ ਭਾਈ ਹਵਾਰਾ ਨੂੰ ਸਿਰਫ ਸਿੱਖ ਹੋਣ ਕਰਕੇ ਇਹ ਸਜਾ ਮਿਲ ਰਹੀ ਹੈ ਤੇ ਸਾਡੇ ਅਖੌਤੀ ਲੀਡਰ ਇਸ ਮਾਮਲੇ ਵਿਚ ਅਪਣੀਆਂ ਅੱਖਾਂ ਅਤੇ ਕੰਨਾ ਨੂੰ ਬੰਦ ਕਰਕੇ ਬੈਠੇ ਹੋਏ ਹਨ ।
ਅਜ ਕੋਰਟ ਵਿਚ ਭਾਈ ਹਵਾਰਾ ਨੂੰ ਮਿਲਣ ਵਾਸਤੇ ਭਾਈ ਗੁਰਚਰਨ ਸਿੰਘ, ਭਾਈ ਕਮਲਜੀਤ ਸਿੰਘ, ਭਾਈ ਹਰਮੀਤ ਸਿੰਘ, ਭਾਈ ਮਨਪ੍ਰੀਤ ਸਿੰਘ ਖਾਲਸਾ, ਬੀਬੀ ਨਿਰਪ੍ਰੀਤ ਕੌਰ, ਬੀਬੀ ਸੋਨਿਆ ਕੌਰ, ਭਾਈ ਰਣਜੀਤ ਸਿੰਘ, ਭਾਈ ਸੁਰਿੰਦਰ ਸਿੰਘ ਸਮੇਤ ਦੇਸ਼ ਅਤੇ ਵਿਦੇਸ਼ ਤੋਂ ਬਹੁਤ ਸਾਰੇ ਸਿੰਘ ਅਤੇ ਪ੍ਰੇਮੀ ਸੱਜਣ ਹਾਜਿਰ ਸਨ ।
