Jathedar Giani Iqbal Singh

ਅੰਮ੍ਰਿਤਸਰ ਸਾਹਿਬ: ਸਿੱਖ ਸੰਗਤ ਵਿੱਚ ਐਸ.ਜੀ.ਪੀ.ਸੀ ਖਿਲਾਫ ਬਣੇ ਰੋਹ ਨੂੰ ਕੁਝ ਠੰਢਾ ਕਰਨ ਲਈ ਐਸ.ਜੀ.ਪੀ.ਸੀ ਪ੍ਰਧਾਨ ਅਵਤਾਰ ਸਿੰਘ ਮੱਕੜ ਵੱਲੋਂ ਲਗਾਤਾਰ ਮੁਲਾਕਾਤਾਂ ਕੀਤੀਆਂ ਜਾ ਰਹੀਆਂ ਹਨ ਅਤੇ ਕੁਝ ਫੌਰੀ ਕਦਮ ਵੀ ਚੁੱਕੇ ਗਏ ਹਨ।ਜਿਹਨਾਂ ਵਿੱਚ ਪਹਿਲਾਂ ਮੁਅੱਤਲ ਕੀਤੇ ਪੰਜ ਪਿਆਰਿਆਂ ਨੂੰ ਬਹਾਲ ਕੀਤਾ ਗਿਆ ਤੇ ਹੁਣ ਸਿੰਘ ਸਾਹਿਬਾਨ ਦਾ ਵਿਰੋਧ ਕਰਨ ਵਾਲੇ ਰਾਗੀ ਸਿੰਘਾਂ ,ਪ੍ਰਚਾਰਕਾਂ ਸਮੇਤ ਵਿਰੋਧ ਵੇਲੇ ਮੌਕੇ ਤੇ ਮੌਜੂਦ ਸ਼੍ਰੋਮਣੀ ਕਮੇਟੀ ਦੇ ਦੋ ਸਕੱਤਰ ਸ: ਮਨਜੀਤ ਸਿੰਘ ਅਤੇ ਡਾ: ਰੂਪ ਸਿੰਘ ਨੂੰ ਵੀ ਬਹਾਲ ਕਰ ਦਿੱਤਾ ਗਿਆ ਹੈ।