ਸਿੱਖ ਰੋਜ਼ਾਨਾ ਅਰਦਾਸ ਤੋਂ ਬਾਅਦ ਸਿਰਫ “ਸਰਬੱਤ ਦਾ ਭਲਾ” ਹੀ ਨਹੀਂ ਮੰਗਦਾ ਸਗੋਂ ਅਮਲੀ ਜੀਵਣ ਵਿੱਚ ਵੀ ਲੋੜਵੰਦਾਂ ਅਤੇ ਮੁਸੀਬਤਾਂ ਵਿੱਚ ਘਿਰੇ ਬੇਸਹਾਰਾ ਲੋਕਾਂ ਦੀ ਤਨ ਮਨ ਧਨ ਨਾਲ ਸੇਵਾ ਕਰਨਾ ਆਪਣਾ ਧਰਮ ਅਤੇ ਫਰਜ਼ ਸਮਝਦਾ ਹੈ।“ਸਰਬੱਤ ਦਾ ਭਲਾ” ਗਰੂ ਆਸ਼ੇ ਅਨੁਸਾਰ ਚੱਲਦਿਆਂ ਜੰਮੂ ਕਸ਼ਮੀਰ ਵਿਚ ਭਾਰੀ ਬਾਰਸ਼ ਅਤੇ ਹੜਾਂ ਕਾਰਨ ਹੋਈ ਤਬਾਹੀ ਵਿਚ ਘਿਰੇ ਕਸ਼ਮੀਰ ਦੇ ਲੋਕਾਂ ਲਈ ਸਿੱਖ ਰਿਲੀਫ ਜੱਥੇਬੰਦੀ ਯੂਕੇ ਸਮੇਤ ਹੋਰ ਵੀ ਪੰਥਕ ਜੱਥੇਬੰਦੀਆਂ ਦਿਨ ਰਾਤ ਇਕ ਕਰਕੇ ਮੌਤ ਦੇ ਮੂੰਹ ਵਿਚ ਫਸੇ ਬਿਮਾਰ ਲੋਕਾਂ, ਔਰਤਾਂ, ਬੱਚਿਆਂ ਅਤੇ ਬਜੁਰਗਾਂ ਦਾ ਸਹਾਰਾ ਬਣਕੇ ਬਹੁੜੀਆਂ ਹਨ।