ਅੰਮਿ੍ਤਸਰ (2 ਸਤੰਬਰ, 2015): ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਧਰਮ ਪ੍ਰਚਾਰ ਵਿਭਾਗ ਵੱਲੋਂ ਸਿੱਖੀ ਦੇ ਪ੍ਰਸਾਰ ਲਈ ਗੁ: ਪਾਤਸ਼ਾਹੀ ਛੇਵੀਂ ਸਮਾਣਾ, ਗੁ: ਅਕਾਲਗੜ੍ਹ ਸਾਹਿਬ ਬਨੂੜ, ਗੁ: ਪਿੰਡ ਰਾਣੀ ਮਾਜਰਾ ਡੇਰਾ ਬੱਸੀ, ਗੁ: ਗੁਰੂਸਰ ਸਾਹਿਬ ਸੈਫਲਾਬਾਦ (ਕਪੂਰਥਲਾ), ਗੁ: ਟਾਹਲੀ ਸਾਹਿਬ ਬਲੇਰ ਖਾਨਪੁਰ (ਕਪੂਰਥਲਾ), ਗੁ: ਸਿੰਘ ਸਭਾ ਬੋਪਾਰਾਏ ਕਲਾਂ (ਜਲੰਧਰ), ਗੁ: ਡੇਰਾ ਬਾਬਾ ਹਰਜੀ ਖੁਖਰੈਣ (ਕਪੂਰਥਲਾ), ਗੁ: ਗੁਰੂ ਕਾ ਬਾਗ ਘੁੱਕੇਵਾਲੀ, ਗੁ: ਸ੍ਰੀ ਦਮਦਮਾ ਸਾਹਿਬ ਸਲਾਣਾ (ਫਤਹਿਗੜ੍ਹ ਸਾਹਿਬ), ਗੁ: ਬਰੀਲਾ ਖੁਰਦ (ਗੁਰਦਾਸਪੁਰ), ਗੁ: ਅੰਤੋਰ ਨਰੋਟ ਜੈਮਲ ਸਿੰਘ, ਅਕਾਲ ਅਕੈਡਮੀ ਤਿੱਬੜ ਤੇ ਗੁ: ਸੰਗਤਪੁਰਾ ਚੱਕ ਮੁਕੰਦ ਵਿਖੇ ਗੁਰਮਤਿ ਸਮਾਗਮਾਂ ਦੌਰਾਨ ਅੰਮਿ੍ਤ ਸੰਚਾਰ ਕਰਵਾਏ ਗਏ।
ਇਨਾਂ ਸਮਾਗਮਾਂ ਵਿੱਚ 1121 ਪ੍ਰਾਣੀਆਂ ਨੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਤੇ ਗੁ: ਸ੍ਰੀ ਦੁੱਖ ਨਿਵਾਰਨ ਸਾਹਿਬ ਪਟਿਆਲਾ ਤੋਂ ਪਹੁੰਚੇ ਪੰਜ ਪਿਆਰਿਆਂ ਪਾਸੋਂ ਅੰਮਿ੍ਤ ਦੀ ਦਾਤ ਪ੍ਰਾਪਤ ਕੀਤੀ ।
ਸ਼ੋ੍ਰਮਣੀ ਕਮੇਟੀ ਦੇ ਮੁੱਖ ਸਕੱਤਰ ਸ: ਹਰਚਰਨ ਸਿੰਘ ਨੇ ਦੱਸਿਆ ਕਿ ਗੁਰਮਤਿ ਸਮਾਗਮਾਂ ਸਮੇਂ ਸਿੰਘ ਸਾਹਿਬ ਗਿਆਨੀ ਗੁਰਬਚਨ ਸਿੰਘ ਜਥੇਦਾਰ ਸ੍ਰੀ ਅਕਾਲ ਤਖ਼ਤ ਸਾਹਿਬ, ਸਿੰਘ ਸਾਹਿਬ ਗਿਆਨੀ ਮੱਲ ਸਿੰਘ ਜਥੇਦਾਰ ਤਖ਼ਤ ਸ੍ਰੀ ਕੇਸਗੜ੍ਹ ਸਾਹਿਬ ਸ੍ਰੀ ਅਨੰਦਪੁਰ ਸਾਹਿਬ, ਸਿੰਘ ਸਾਹਿਬ ਗਿਆਨੀ ਇਕਬਾਲ ਸਿੰਘ ਜਥੇਦਾਰ ਤਖ਼ਤ ਸ੍ਰੀ ਪਟਨਾ ਸਾਹਿਬ, ਸ: ਨਿਰਮੈਲ ਸਿੰਘ ਜੌਲਾ ਮੈਂਬਰ ਅੰਤਿ੍ੰਗ ਕਮੇਟੀ, ਜਥੇਦਾਰ ਜਰਨੈਲ ਸਿੰਘ ਡੋਗਰਾਂਵਾਲਾ, ਜਥੇਦਾਰ ਕੁਲਦੀਪ ਸਿੰਘ ਵਡਾਲਾ, ਸ:ਅਮਰੀਕ ਸਿੰਘ ਵਿਛੋਆ, ਸ: ਜੋਧ ਸਿੰਘ ਸਮਰਾ, ਸ: ਰਵਿੰਦਰ ਸਿੰਘ ਖਾਲਸਾ, ਸ: ਕੁਲਦੀਪ ਸਿੰਘ, ਸ: ਨਿਰਮਲ ਸਿੰਘ ਹਰਿਆਉ, ਬੀਬੀ ਸਵਰਨ ਕੌਰ ਤੇੜਾ, ਜਥੇਦਾਰ ਰਤਨ ਸਿੰਘ ਜੱਫਰਵਾਲ ਨੇ ਅੰਮਿ੍ਤਪਾਨ ਕਰਨ ਵਾਲੀ ਸੰਗਤ ਨੂੰ ਰਹਿਤ ਮਰਿਯਾਦਾ ਦੀ ਪਾਲਣਾ ਕਰਨ ਲਈ ਪ੍ਰੇਰਿਆ । ਇਸ ਮੌਕੇ ਪੰਥ ਦੇ ਪ੍ਰਸਿੱਧ ਰਾਗੀ, ਢਾਡੀ ਤੇ ਕਵੀਸ਼ਰੀ ਜਥਿਆਂ ਨੇ ਕੀਰਤਨ ਤੇ ਬੀਰ-ਰਸੀ ਵਾਰਾਂ ਰਾਹੀਂ ਗੁਰ ਇਤਿਹਾਸ ਨਾਲ ਜੋੜਿਆ ।
